इतिहास कसरि कहाँ पुग्छ कसलाई के थाह ? वाल्यकालमा भविष्यका त्यस्ता संभावनाको कसलाई के अड्कल ? हेर्नुस त, गोरखाको त्यो बिकट ठाउँमा जन्मेको यो फुच्चे केटो अहिले प्रधानमन्त्री बन्यो भन्दा अचम्म लाग्दैन त ? हो यो फुच्चे केटो अहिलेको बाबुराम भट्टराई । देशको सबैभन्दा शक्तिशाली पदमा । जिवनमा कहिल्यै दोस्रो नबनी सधैं सबैलाई उछिनेर प्रथका प्रथम बनेको त्यहि पहाडको केटो । आज मैले त्यहि ठिटोको बिगत केलाउने केहि फोटो फेला पारें । तिनै तस्बिरलाई बाबुराम भट्टराई डटकम बाट साभार गरेर यहाँ राखेको छु फोटो फिचरका रुपमा।

यो सन् १९७० मा उनले पढेको गोरखाको लुईटेल स्कूलबाहिर खिचिएको रहेछ । अहिलेको सँग अनुहार त मिल्छ नि हैन ?

यो पो त खतरा फोटो हगि ! सन् १९७० को एसएलसीमा बोर्डफस्ट भएपछि लुईटेल स्कूलमा अभिनन्दन गरिएको रहेछ । अभिनन्दनपछि स्कूलका शिक्षक र सहपाठीहरुसित खिचिएको रहेछ यो फोटो । देब्रेबाट  चौथोमा बाबुराम र छैठौंमा डा उपेन्द्र देवकोटा । त्यो बेला उनका सहपाठी मध्ये सबैभन्दा गरिब बाबुराम रहेछन् कि के हो ? सबैले पाइन्ट लगाएका छन । उनले चाहिँ हाफ पाईन्ट । पहिरनपनि क्या गज्जब रहेछ ।

 सन १९७४ मा भारतको चण्डिगढमा पढ्दा उनी कलकत्ता गएका रहेछन शैक्षीक भ्रमणमा । त्यहि बेला सहपाठीहरुसित ठट्टा गर्दै रहेछन । बाबुराम सबैभन्दा देब्रे ।

 सन १९८८ मा छोरी मानुषीलाई बोकेर काठमाडौंको भुरुङखेलमा खिचेका रहेछन् यो फोटो । अहिले त उनकि छोरी बाबु आमाको कार्यक्रममा फोटो खिच्दै हिँड्छिन ।

 गोरखाको बेलवास भन्ने ठाउँमा यहि घरमा जन्मिएका रहेछन भट्टराई । तर अहिले यो घर भत्किएको रहेछ ।

(यस अघि यो मिति Jan 31, 2009 यस अघि यो मिति मा नेपालप्लसमै प्रकाशित थियो । आज उनी प्रधानमन्त्री बनेपचि पुन: प्रकाशित गरिएको हो-नेपालप्लस) ।