-प्रदीप सुबेदी, कतार (तस्बिर र आलेख दुबै)

यहाँ कुनै बम पड्केर मानिसको जमघट भएको होइन । नेपालमा दिनौंजसो हुने कुनै राजनितिक पार्टीकोको जुलुस र आमसभा सुन्न आउनेको भिडपनि त होइन यो । त्यसो भए यहाँ किन यति भिडभाड भएछ त भन्ने जिज्ञासा लाग्न सक्छ । यो त कतारमा नेपाली दाजु भाई हरेक शुक्रबार भेला भएर सुख दुख साटा साट गरेको एउटा बजारको एक दृश्य हो ।

हरेक शुक्रबार अलतियाको यस बजारमा हजारौ साथीभाईहरु जम्मा हुने गर्दछन । यस मौका छोप्दै पसलेहरु ब्यापारको लागी तछाडमछाड गर्छन् । उनीहरुको प्रयत्न नेपालीको मन जितेर आकर्षण गर्ने हुन्छ। जसकारण महिना भरी कमाएको एकै दिन खर्च पनि हुने गर्छ केही साथीहरुको ।

यतिबेला सूर्ती, सीडी बेच्ने तथा तौल जोख्ने आदी काम गरेर आफ्नो खर्च जुटाउनेको समुहपनि निकै छ । यस्ता सामाग्री खुला रुपमा बेचेर कानुनको उल्लंघन गरेको आरोपमा जेल पर्ने खबर पनि बेला बेलामा छापाहरुमा आईरहन्छ ।

कोहि चाहिँ ‘लौ है कति कोलो हुनु भएछ जोख्नुस्‘ भन्दै काठमाडौंका गल्लीमा झैं जोख्ने कुरो राखेर बसिरहेका हुन्छन् ।

बिभिन्न ब्यक्ती तथा म्यानपावरद्धरा ठगिएर दुताबासको शरण लिनेको संख्या पनि दिनहुँ बढीरहेको छ । तर राज्यको सम्बन्धीत निकाय मौन बस्छ । यस्तो लाग्छ, बिदेशीएका नेपालीका पीडाप्रति सरकार संबेदनशिल छैन। खाली तिनको आयलाई बजेटमा सामेल गर्न पाए पुग्यो ।

हप्ता भरिको थकान मेट्ने नेपालीहरुको साझा चौतारी बनेको यो बजार यसरी नै रमाईरहन्छ हरेक शुक्रबार यिनै भिडभाडहरु सँगै । थाह छैन कहिले सम्म हराईरहने हुन्न नेपाली मनहरु यसरी भिडहरुमा अर्काको भुमीमा ।

(सुबेदीको मूल घर ज्या: म्याग्दी हो) ।

 सम्पर्क:  sp.sapani@gmail.com

प्रदीप सुबेदीको अघिल्लो फोटो फिचरपनि हेर्नुस-

 कतारको दुतावासमा गगनलाई सुनाए ठगिनेले पिडा ।