- ददिराम सापकोटा

पेरिस । राष्ट्रिय राजनीतिमा आउने क्रमसँगै नेकपा (माओवादी) का नेताहरु यतिखेर विदेशी राष्ट्रहरुको र्समर्थन र विश्वास आर्जन गर्नतिर कस्सिएर लागिपरेका छन् । यसै सिलसिलामा भर्खरै माओवादीका नेताहरुले स्पेन र इटालीलगायतका यूरोपेली राष्ट्रका सांसद र केही उच्च सरकारी अधिकारीहरुस“ग भेटघाट र छलफल गरेको थाहा भएको छ । माओवादीका दुईजना केन्द्रीय नेताहरुले इटाली, स्पेन, जर्मनी, बेल्जियम र फ्रान्सको भ्रमण गरेका छन् । त्यसो त माओवादी प्रवक्ता कृष्णबहादुर महरा भर्खरै बेलायत गएर स्वदेश फर्केका छन् भने प्रचण्ड र बाबुराम भारतस्थित उच्चस्तरीय कार्यक्रममा भाग लिन निकट समयमै दिल्ली जाँदैछन् ।

माओवादी वार्ता टोलीका सदस्य तथा केन्द्रीय नेता दीनानाथ शर्मा र सुरेश आलेमगरको दुई सदस्यीय टोलीले हालै यूरोपेली राष्ट्रहरुको भ्रमण गरेको हो । विभिन्न राष्ट्रको भ्रमण सकेर पेरिस पुगेका शर्माले त्यहाँ अवस्थित नेपालीहरुसँगको भेटघाटका अवसरमा बताएअनुसार, माओवादीको टोलीले स्पेन र इटालीका सरकारी अधिकारीहरुसँग भेट गरेर माओवादीका धारणाहरु राखेको छ । नेपालको लोकतान्त्रिक आन्दोलन र माओवादीसहितको अन्तरिम सरकारप्रती ती राष्ट्रहरु सकारात्मक रहेको दाबी शर्माको छ ।

माओवादीनिकट मानिने जन प्रगतिशील मञ्च फ्रान्सको आयोजना र एनआरएन फ्रान्सको सहयोगमा पुराना वामपन्थी नेता अशोक न्यौपानेको जापानी रेष्टुरेन्टमा भएको छलफलमा माओवादी नेताहरु सहभागी बनेका थिए । छलफलका क्रममा शर्माले विगतमा शाही सरकारद्वारा गरिएको नगर निर्वाचनका बेला एमालेका माधवकुमार नेपाल र कांग्रेसका गिरिजाप्रसाद कोइरालाले जिल्ला सदरमुकाम आक्रमण गरिदिन आग्रह गरेको पनि खुलासा गरेका छन् । शर्माको भनाइ थियो- ‘तपाइहरुले युद्धविराम भङ्ग गरिदिनुपर्‍यो काठमाडौंमै हानिदिनुपर्‍यो, दुई/चारवटा जिल्ला सदरमुकामहरु ठोकिदिनुपर्‍यो भनेर स्वयं माधवकुमार नेपालजी र गिरिजाबाबुले हामीलाई भन्नुभएको हो । अनि हामीले काठमाडौंको थानकोट चौकी हानिदियौं ।

 देशभित्र वार्ता र सहमतिको वातावरण धमाधम बन्दै गइरहे पनि पेरिसमा शर्माले प्रधानमन्त्री कोइरालाप्रति निकै आक्रोश व्यक्त गरे । प्रधानमन्त्री कोइरालालाई आफूहरुले राष्ट्रपति बनाउन खोज्दा पनि उहाँ राजतन्त्रको दलाल बन्न लाग्नुभएको

शर्माले आरोप लगाएका छन् । स्वीट्जरल्याण्डजस्तो देश हतियारबिनै चलेको उदाहरण दिदै शर्माले नेपाल पनि त्यसैगरी चल्नसक्ने बताए । त्यसैगरी सातपार्टी बसेर एउटा सहमतिमा पुग्नासाथ विदेशीले उनीहरुलाई उचाल्ने गरेको आरोप शर्माको छ । नेपाली जनताले पश्चिमी मुलुकमा श्रम बेच्न होइन, शासन गर्न आउन सक्षम हुन् शर्माले दाबी गरे । सोझा सिधा जनतालाई चन्दा उर्ठाई दुःख दिएको सर्न्दर्भमा प्रश्न गर्दा शर्माको तर्क थियो- ‘एमालेका नेताहरुले बेल्जियमबाट सिसा लगेर घर बनाए, हामीले घर बनाउन, गाडी किन्नका लागि नभएर जनताको मुक्तिका लागि सहयोग लिएका हौं ।‘ युद्ध लड्नका लागि हामीले तस्करहरुसँग पनि चन्दा लियौं । (कार्तिक २२, २०६३, जनआस्था साप्ताहिक)