घरबाहिर ननिस्कने महिला मजदूरी खोज्दै टाढाटाढाका जिल्लातिर

IMG_0417

पछिल्लो समयमा मधेशको जनजिवन, आर्थिक अवस्था झन खस्केको संकेत देखिँदै छ । जागिर र ब्यवशायकालागि अलि टाढासम्म पुगेपनि महिलाहरु निमेक गर्न, मजदूरी गर्ने ठाउँ खोज्दै हत्तपत्त टाढा पुग्दैनन् । झन मधेशी महिलाहरु त घर छोडेर मजदूरीका लागि टाढासम्म पुग्नु असम्भव जस्तै थियो, केहि वर्ष अघिसम्म । तर अहिले खेतिको काम गरेर थोरै रकम कसरि कमाउन सकिएला भन्दै मधेशका महिलाहरु आफ्नो भाषा, संस्क्रितिनै नमिल्ने टाढा टाढाका जिल्ला धाउन थालेका छन् ।

लेखमा राखिएको फोटो अघिल्लो हप्ता चितवन जिल्लाको रत्ननगर पालिका १९, झुवानीमा खिचिएको हो । तस्विरमा देखिएका महिला सर्लाही जिल्लाका हुन् । यि महिला तोरी, मुसुरो उखल्ने, झाँट्ने वा अन्य केहि क्रिषी र घरायसी काम पाइन्छ की भन्दै गाउँ गाउँ चहार्दै गरेका हुन् ।

यि महिलाको यता भाषा मिल्दैन । यि कि त भोजपुरी वा मैथिली भाषा बोल्छन् । वा अलिअलि हिन्दी भाषा जान्दछन् । चितवनतिर बोलिने खस नेपाली भाषा यिनलाई आउन्न । यिनको संस्क्रितिपनि मिल्दैन । महिलाहरुलाई भाषा, संस्क्रितिनै नमिल्ने यस्ता अन्य जिल्लाका गाउँमा बस्न कति सुरक्षित होला ? पक्कैपनि महिलाहरुले आफूलाई कम सुरक्षित ठान्ने गर्छन् । तैपनि ति कठिनाईलाई चुनौति दिँदै दुखजिलो काम भनिने क्रिषी क्षेत्रमा मजदूरीको काम खोज्दै आफ्ना परिवार छोडेर गाउँ गाउँ भौंतारिईरहेका छन् ।

अझ मधेशबाट झरेकाहरुको अनुहार भारतीयसित मिल्ने हुनाले गाउँमा धेरैले हेप्ने गर्छन् । दिनभरि क्रिषीको कठिन काम गरेपनि यिनलाई आरामदायी र न्यानो सुत्ने ठाउँ हुन्न । गाउँलेहरुले यिनलाई गाइभैंसीको गोठ, परालको कुनियो, तोरीको गट्टे थुपारेको ठाउँ वा पिँढीमा पराल ओछ्याएर दिन्छन् । महिलाहरुकालागि त यो झनै असुरक्षितपनि ठानिन्छ । तैपनि पछिल्लो समयमा मधेशकै महिलाहरु यसरि गाउँ गाउँ सानोतिनो कम खोज्दै गाउँ गाउँ घुमिरहेको भेटिन थालेको छ । यसले मधेशको दैनिक जिवन कठिन बन्दै गएको देखाउँछ । दैनिक जिवन धान्न कठिन बन्दै गएपछि सबै कठिनाई र चुनौतिलाई सहेर कामका लागि भौंतारिन बाध्य भएको देखाउँछ ।

तपाईको प्रतिक्रिया दिनुस्
नेपालीमा लेख्ने/नलेख्ने(To type in English, press Ctrl+g)

WP-SpamFree by Pole Position Marketing