एन आर एन एको केन्द्रिय अध्यक्षमा मनोनित ब्यक्तिले उमेदवारी दिने की निर्वाचित हुनुपर्ने ?

गैह्र आवाशिय नेपाली संघ (एन आर एन ए) को विश्व सम्मेलन भोलीदेखि काठमाडौंमा शुरु हुँदै छ । यो सम्मेलनले नयाँ नेरित्व चयन गर्ने छ । एन आर एन एको केन्द्रिय निर्वाचनमा अध्यक्ष शेष घलेकी पत्नी जमुना घलेले अन्तिम अवस्थामा अप्रत्याशित रुपले अध्यक्ष पदमा उम्मेदवारी घोषणा गरेपछि गैह्र आवाशिय नेपालीहरुका बिचमा नयाँ बहस शुरु गरेको छ ‘एन आर एनको केन्द्रिय पदमा उम्मेदवारी घोषणा गर्न निर्वाचित भएर आएकाले मात्रै पाउने की अध्यक्षले मनोनित गरेको ब्यक्तिलेपनि अध्यक्ष वा अर्को कुनै मुख्य पदमा उमेदवारी घोषणा गर्न पाउने ?’ किनभने जमुना घलेलाई आफ्नै पती शेष घलेले आफ्नो दोस्रो कार्यकालमा आ इसिसि सदस्यमा मनोनित गरेका थिए । जमुना घले केन्द्रिय तहमा निर्वाचित भएकि थिईनन् ।

शेष घले पहिलो कार्यकालकालागि अध्यक्ष हुँदा जमुना घले पत्नीका रुपमा मात्रै थिईन, एन आर एन एमा । जब शेष घले दोस्रो कार्यकालकालागि निर्वाचित भए तब एन आर एन एको केन्द्रिय बैठकमा गज्जबको माहोल देखियो । शेष घलेले आफ्नी पत्नीलाई जसरिपनि आइसिसी सदस्यमा निर्वाचित गर्नुपर्छ भन्ने प्रस्ताव । अध्यक्षले केहि सदस्य, सल्लाहकारमा मनोनित गर्न पाउने एन आर एन ए को केन्द्रिय तहको कमजोर बिधानलाई प्रयोग गरेर शेष घलेले आफ्नी पत्नी र केहि सल्लाहकार मनोनित गरे । आज त्यहि कमजोर धारमा टेकेर जमुना घले एन आर एन एको केन्द्रिय अध्यक्ष पदमा उमेदवारी दिएकी छन् । एन आर एन ए को यहि कम्जोर बिधानलाई भजाएर अब अध्यक्ष वा अर्को कुनै मुख्य पदमा निर्वाचितनै नभएपनि नेत्रित्वमा पुग्न सक्ने गलत नजिर बस्ने देखिन्छ ।

उदाहरण दिन टाढा किन जानु ? एन आर एनको अभियानमा एन आर एन जापानको सदस्य पदबाट शुरु गरेका भवन भट्ट आज दश वर्ष कुरेर वा दश वर्ष एन आर एनलाई योगदान दिएपछि बल्ल केन्द्रिय अध्यक्ष पदमा उमेदवारी दिएका छन् । एन आर एन ए जर्मनीको सदस्यबाट शुरु गरेका कुमार पन्त एन आर एन जर्मनीको आइसिसि सदस्य हुँदै दोस्रो कार्यकालकालागि फेरिपनि उपाध्यक्ष पदमै उमेदवारी दिएका छन् । तर आफ्ना पती अध्यक्ष भएको मौका पारेर पतीले मनोनित गरेकै आधारमा आ इसिसी सदस्य बनेकी जमुना घले एकै चोटि कहिल्यै कतै निर्वाचन नलडी, कतैबाटपनि निर्वाचित नभैकनै एन आर एनएको अध्यक्ष पदमा चुनाव लड्न पाउने हो भने किन एन आर एनमा वर्षौं वर्षको मेहनत, योगदान र साधना गर्नुपर्‍यो ? पैसा पेलेकै भरले एकै चोटि कुनै अर्कै ग्रहबाट टुप्लुक्क ओर्लिएर महत्वपूर्ण पदमा पुगे भएन ?

आज सत्तरी वटा मुलुकभन्दा बढिमा फैलिएको एन आर एनको नेत्रित्व गर्न कुनै साधना चाहिन्न ? कुनै ज्ञान र अनुभव चाहिन्न ? ति ७० वटै मुलुकका नेपालीबाट कहिँ न कतैबाट निर्वाचित वा अनुमोदित हुनुपर्दैन ? अध्यक्षको नजिक, बिश्वाशिलो, नाता परेकै भरले एन आर एनएका राष्ट्रिय समन्वय परिषद वा क्षेत्रिय तहमापनि नपुगी सिधै केन्द्रिय अध्यक्ष पदमा पुग्न पाइने हो भने क्षेत्रिय तहका समन्वयको खाँचो किन पर्‍यो ? पैसाकै भरले केन्द्रित तहमा पुग्न पाइने हो भने पैसा नभएका, मजदूरी गरेर खाने, बिदेशमा पैसा नकमाएका तर कुनै विशेषज्ञता, ज्ञान र सिप हाँसिल गरेका नेपालीको खाँचो किन पर्‍यो ? किन भन्नुपर्‍यो ‘एन आर एन सबैको साझा हो ?’ एन आर एनको स्थानिय तहदेखि ज्ञान र अनुबह्व लिँदै, एन आर एनएलाई वर्षौं देखि लगानी र सेवा गर्दै आएका तर धनाढ्य वर्षमा नपर्नेहरु कहिल्यै केन्द्रित तहमा जान नपाउने ? अध्यक्षले मन पराएकै भरमा, अध्यक्षको निकट भएकै भरमा केन्द्रित तहमा मनोनित हुन पाउने हो भने वर्षौं वर्ष लगाएर एन आर एनको सेवा किन गर्‍यो ? सिधा अध्यक्षको चाकरि गरेर, अध्यक्षलाई रिझाएर सिधै केन्द्रित तहमा पुगे भैहाल्यो नी । मनोनित भएरै केन्द्रित अध्यक्षमा पुग्न पाने यो गलत प्रथाले भविषयमा एन आर एन एलाई कता लैजाला ?

अध्यक्षका तिन उमेदवार भवन भट्ट, टिबी कार्की र जमुना घलेको के समान लगानी छ त एन आर एन एमा ? ति तिन उमेदवार मध्ये भवन भट्ट र टिबी कार्की एन आर एनका स्थानिय तहदेखिनै संगठित, प्रशिक्षित र अनुभवी छन् । यिनले वर्षौंदेखि एन आर एनमा लगानी गर्दै आएका छन् । दश वर्ष एन आर एनमा साधना गरेर अध्यक्ष बन्न उमेदवारी दिने भवन भट्ट र टिबी कार्कीको जत्तिकै लगानी छ जमुना घलेको ? यो वा त्यो पक्ष नहेरि एन आर एनको दिर्घकालिन हित सोच्ने हो भने यो गम्भिर प्रश्न हो कि होइन ? यसरि एन आर एन ए केन्द्रिय बिधानको कमजोर बुँदामाथि टेकेर यस्ता गलत नजिर बसालिन्छ भने भविषयमा केन्द्रिय नेत्रित्वमा पुग्नकालागि किन वर्षौं वर्ष कुर्छ र एन आर एनमा लगानी गर्छ ? केन्द्रिय अधिवेशनमा पुगेका एन आर एन ए सदस्य, केन्द्रदेखि राष्ट्रिय समन्वय परिषदका अभियन्ता, शुभेच्क्षुक र पत्रकारहरुले यसमा गम्भिरतापूर्वक ध्यान दिनु पर्ला कि नपर्ला ?

  • रविचन्द्र भट्टरार्इ

    लाप्राक घलेकाेमात्र साख हाेइन एन अार एन सबैकाे हाे त्यसलार्इ सफलता पुर्वक हस्तान्तरण गर्न अर्काे घलेकाे अागमन् अावश्यक छ ।

    मन परो वा परेन: Thumb up 0 Thumb down 0

    [Reply]

तपाईको प्रतिक्रिया दिनुस्
नेपालीमा लेख्ने/नलेख्ने(To type in English, press Ctrl+g)

WP-SpamFree by Pole Position Marketing