पूर्व राजा सक्रिय बन्ने संकेत !

पूर्व राजा ज्ञानेन्द्र शाह फेरि सक्रिय बन्ने संकेत देखिएको छ । उनी आफैंले सक्रिय बन्न चाहेको बताएका छन् । तिहारको भाई टिका लगाइसकेपछि मुलुकमा उनले नेत्रित्वनै नभएको जस्तो देखिएको बताउँदै आफू अघि सर्न तयार रहेको संकेत गरेका हुन् ।

हरेक राजनितिक निर्णय लिँदा उनले चाडपर्वको बेला लिने गरेकालेपनि उनको यो भनाईलाई चासोका साथ हेरिएको छ । उनले आफ्ना छोरा पारस शाहलाईपनि दशैंकै बेला राजकुमार घोषणा गरेका थिए ।

‘अहिले दुबो, गोदावरी र मखमली फूललाई वास्ता नगर्ने तर कागजको फूलमा सुवास खोज्ने परिस्थितिमा हामी हिँडिरहेका छौं’ भन्दै उनले बर्तमान नेत्रित्वप्रति ब्यंग्यपनि गरे । मुलुक नेत्रित्वबिहिन अवस्थामा देखिएकाले मुलुकको जिम्मेवारी र नेतृत्व लिन आफू तयार रहेको सार्वजनिक गरे। त्यसकोलागि सबैले चाहना हुनुपर्ने भनाईपनि उनको छ ।

उनले यस अघिपनि पटक पटक देश नेत्रित्वबिहिन अवस्थामा पुगेकोले देशवासीले सोच्नुपर्ने, अफू नेत्रित्वकालागि तयार रहेको बताउँदै आएका थिए । उनका यस्ता भनाईमा दल र नेताहरुले उनको आलोचना गर्दैपनि आएका थिए । तर यस पटक भनी अझै कडा रुपमा प्रस्तुत भएको जस्तो देखिन्छ । उनको भनाईको आलोचना हुने अनुमान गर्दै उनले भनेका छन् ‘अब फेरि सक्रिय भयो भन्ने कुरा होला । यो सक्रिय हुने वा नहुने कुरा होइन । तर यो देशको परिस्थतिले मागेको र समय पनि आएको जस्तो मलाई लाग्छ ।’

तपाईको प्रतिक्रिया दिनुस्
नेपालीमा लेख्ने/नलेख्ने(To type in English, press Ctrl+g)

WP-SpamFree by Pole Position Marketing