कांग्रेस नेता मिनेन्द्र रिजालको मोरङमा चुनावी भोज

पटक पटक मन्त्री भैसकेका, सत्ता र सरकारको स्वाद धेरै पटक लिएका नेपाली कांग्रेसका नेता डा मिनेन्द्र रिजालले जनताको हित, सेवा गरेको उल्लेख्य केहि सुनिन्न । तर चुनावको मुखैमा मासु र भातमा पैसा खर्च गरेर स्थानिय जनतालाई भोज भने खुवाएका छन् ।

स्थानिय निर्वाचनमा मासु र भात खुवाए आफूलाई भोट दिने आशाले उनले निर्वाचनलाई प्रभावित पार्न मोरङ क्षेत्र नं २ अन्तर्गत रतुवामाई नगरपालिकाको वडा नं १ मा मासुको ब्यवस्था गर्दै भोज खुवाएका हुन् ।

हिजो शुक्रवार आफ्ना कार्यकर्तालाई परिचालन गर्दै उनले मासु भातको ब्यवस्था गर्न खटाएका थिए । भोजको ब्यवस्था गरेपछि गाउँमा ‘भोजको ब्यवस्था गरिएको छ, भोज खान निम्ता छ, मासु जति खएपनि हुन्छ’ भन्दै गाउँलेहरुलाई निम्त्याइएको भोजमा सहभागीहरुले नेपालप्लसलाई बताए।

भोजमा खसिको मासु र ब्रोइलर कुखुराको मासु, भुजा, भात र चिउराको ब्यवस्था गरिएको थियो । भोज सदिर भैयाको निवासमा आयोजना गरिएको थियो ।

भोज खुवाईसकेपछि मोरङको नेपाली कांग्रेसका स्थानिय कार्यकर्ता बल बहादुर बस्नेतले आफ्नो फेसबुकबाटपनि सार्वजनिक गरेका थिए । उनले ‘आतिथ्य ग्रहण गर्ने क्रममा रतुवामाई नगरपालीक “१” मा सदिर भैयाको निवासमा साथीहरुको बिचमा” भन्दै स्टाटससहित केहि तस्विर हालेका थिए । सामाजिक सञ्जालमा ‘चुनावी भोज खुवाउने ?’ भन्दै त्यसको आलोचना शुरु भएपछि उनले सञ्जालबाट फोटा र स्टाटस हटाएका थिए ।

  • सराेज खत्री

    तस्विर असाध्यै सुन्दर लाग्याे मलाई ।।।।।
    मान्छेहरुकाे विभिन्न साेच हुन्छ खराब साेच भएकाले यसलाई खराब रुपमा हेरे अनि अालाेचना गरे।।
    मेराे नजरमा याे तस्बिरमा सबै नेपाली एक हाै यहाँ जातपात,वर्ण,धनी गरिब बिचमा भेदभाव छैन भन्ने सन्देश दिएकाे छ।।।।

    मन परो वा परेन: Thumb up 0 Thumb down 0

    [Reply]

तपाईको प्रतिक्रिया दिनुस्
नेपालीमा लेख्ने/नलेख्ने(To type in English, press Ctrl+g)

WP-SpamFree by Pole Position Marketing