अहिले राजा ज्ञानेन्द्र शाहमाथि दरबार छोड्नकानिम्ति खुब दबाब परेको छ। सबैभन्दा ठुलो दलका रुपमा माओवादी देखिएपछि उसले राजालाई स्वच्छिकरुपमा नारयणहिटी छोड्न भनिसकेको छ। नछोडे दरबारबाट जुनसुकै मुल्यमा निकाल्ने माओवादी नेताहरुले बताईसकेका छन। माओवादीले त्यस्तो धम्कि दिएपछि राजाले के गर्लान त ? साँच्चिनै लुरुक्क छोड्लान कि गर्न खोज्लान चुरिफुरि भन्ने धेरैलाई कौतुहलता छ नै।  
जे होस रन्थनिएका राजाले आफ्ना निकटहरुलाई भेटेका थिए। पछिल्लो पटक रबिन्द्रनाथ शर्मालाई भेटेको खबर आयो। अखबारहरुले थाह नपाउने कुरै भएन। तर उनले राजासँग गरेको गोप्य मन्त्रणा खोलेनन। समय आएपछि सबै कुरा खोल्ने भनेर पन्छिए। अहिले हाम्रो एक उच्च स्रोतले के भन्छ भने राजा नरायणहिटी छोड्ने पक्षमा छैनन। उनले आफु कुनैपनि हालतमा नारयणहिटी दरबार नछोड्ने भनेर बताएछन रबीन्द्र शर्मालाई।  माओवादीको सरकारलाई आफुले कुनै दखल नपुर्‍याउने तर कुनै र कसैकोपनि दबाबमा नारायणहिटीभने नछोड्ने अडान पो लिएछन शर्मासँग। उनले राजासँग भएका कुरा अन्य राजावादी र आफ्ना  निकटसँग सुनाउँदै हिडेकारहेछन। 
भनेपछि राजाले पक्कैपनि कुनै न कुनै शक्तिको आड नपाई त्यसो भन्ने आँट त गरेनन। त्यसो भन्ने शक्ति भनेको मुलत नेपाली सेनानै हुनुपर्छ। किनकि जसले जे सुकै भनोस अहिलेसम्मपनि दरबारप्रतिको बफादारिता तोडिएको छैन नेपाली सेनाको। न फेरिएका छन राजाका बफादार। न पुगेको छ जनताप्रति बफादार जनताको छोरो सैनिक उच्च पदमा। न भएकै छ सैन्य क्षेत्रमा  पुनर्संरचना। चाहे छद्म रुपमा एमालेका केपी शर्मा ओली जस्ता राजाका समर्थक होउन वा कमल थापा, पशुपती शमशेर जस्ताले उचालेर पनि हुनसक्ने नै भयो।

हुनत सात पार्टीका नेता र माओवादी कसरि अगाडि बढ्छन भन्नेमा भरपर्छ ज्ञानेन्द्रको त्यो धमासले कसरि काम गर्छ भन्नेमा। सात पार्टी र माओवादी मिले भने त्यस्ता मण्डले सण्डले त के विश्वकै कुनै शक्तिकोपनि कुनै दाल गल्ने छैन भन्ने त नेपालीहरुले देखाइसकेनै। ज्ञानेन्द्रलाई दुल्कोमा पानी हालेर थुतेको मुसा झै टिपिहाल्छन नेपालीहरुले। जे होस, ज्ञानेन्द्रको नारायणहिटी छोड्दिन भन्ने अडान त्यत्तिकै आएको चाहि पक्कै छैन। यसले माओवादीलाई झन चुनौति भन्ने पक्कै थप्नेछ।