-अर्जुन दुङ्मेन्, / बगदाद, इराक

अँधेरीको रातमा जुन हौकी तिमी,

 कोईलाको खातमा, चुन हौकी तिमी !

भित्र-भित्रै बजी दिन्छ सुर र ताल,

 दिलमा सधैं बज्ने, धुन हौकी तिमी !

जिन्दगी नै लाग्छ मोती जडित मेरो,

 चम्की दिने गहना, सुन हौकी तिमी !

तिम्रो प्रितीको राप कती मुलायम,

 न्यानो अनी नरम, उन हौकी तिमी !

 छाम्दा मलाई पाउँछु तिमीलाई नै,

 नशा-नशा बहने, खुन हौकी तिमी !

(अनुरोध-गित, गजल, कविताको नेपालप्लसमा चाङ लागेको छ । त्यसैले सन्दर्भ पुरानो नहुने बाहेकका रचना प्रकाशित हुन लामै समय लाग्न सक्छ । त्यसैको कारणले नेपालप्लसलाई पठाएका कविता अन्यत्र पठाउँदै हुनुहुन्छ भने नेपालप्लसलाई अग्रिम जानकारि दिनुहुन अनुरोध छ-नेपाप्लस डट कम) ।