तराई मधेश लोकतान्त्रिक पार्टी, नेपाल सद्भावना पार्टी (दुबै) र मधेशी जनअधिकार फोरम सधैं अरुलाई जातियतावादी भएको आरोप लगाउँछन । राज्य समावेशी भएन भन्छन। नेपाली कांग्रेस र एमालेमा बाहुनवाद कै हालीमुहाली देख्छन । माओवादीलेपनि तराइको हित गर्दैन भन्छन ।  सबै जनजाति, महिला, उत्पिडित र सिमान्तक्रित वर्गको समान सहभागिता भएन भन्छन । उनीहरुले जनसंख्याको आधारमा राज्यका हरेक निकायमा मधेसी, दलीत, आदिवासी, जनजाति लगायतका समानुपातिक प्रतिनिधित्व संबिधानमा किटान गरिनुपर्ने माग गरिरहेका छन । आफ्नो पार्टी समावेशी भएको चर्को नारा उरालेर मधीहरुलाई उचाल्छन। तर यिनिहरुका नारा कति झुठा रहेछन । यिनिहरु आफुचाहिँ कतिसम्म संकिर्ण , मधेशवादी रहेछन भन्ने कुरा यिनको ब्यवहारले देखाउँछ ।

शुक्रबार १३ असारका दिन मधेसी जनअधिकार फोरमको यूवा संगठन मधेसी जन अधिकार यूवा फोरम केन्द्रिय कमिटीको बिस्तारित बैठक बसेको थियो बीरगञ्जमा । त्यहाँ गएर खुब उफ्रि उफ्रिकन भाषणपनि ठोके फोरमका अध्यक्ष उपेन्द्र यादवले समावेशीताकै पक्षमा ।
त्यो बैठकले नयाँ कार्य समिति चयन गर्‍यो । तर कार्य समितिमा छानिएका ब्यक्तिहरुको नाम हेर्नुस त कति समावेशी रहेछन समावेशीताको पक्षमा लड्छौं भन्ने मधेशवादी दल ।

अध्यक्ष-युसुफ साफी ।

उपाध्यक्ष-हिरालाल रोनीया, नन्द किशोर यादव र रामबाबु यादव ।

महासचिव-महेन्द्र राय यादव ।

सचिव-फिरोज मन्सुर।

कोषाध्यक्ष-प्रमोद केवट ।

सदस्यमा छानिएका पनि सबै यस्तै यस्तै थरका छन।

त्यसैगरि मधेसी जनअधिकार महिला फोरमको कार्यकारी सद्स्यको नाम हेर्नुस त— 

अध्यक्ष-सन्ध्या देवी ।

उपाध्यक्ष-कलावती पासवान र करिमा वेगम (वेगम सभासद पनि हुन) ।

महासचिव-चन्दा शाह ।

सचिव-मिमी सिंह ।

कोषध्यक्ष-रम्भा शाह ।

बाँकि ३१ सदस्यको नाम र थरपनि उस्तै छ । यि पदहरुमा समावेशी देखिन्छ त कतै ? 

मधेशमा एउटै मात्रै जात, जाति, भाषा;भाषी र संस्क्रितिका मानिसमात्रै छैनन । समावेशीको नारा उराल्नेहरुले के ति सबैको प्रतिनिधित्व गर्नु गराउनु पर्दैन ? पासवान र यादव, मन्सुर शाह अनि वेगम र सिंहकोमात्रै प्रतिनिधित्व भएर हुन्छ ?  सरकारलाई पेल्न समावेशी खोज्ने अनि आफ्नो संगठनमा चाहिँ समावेशी नचाहिने ? आफ्नो संगठनलाई चाहिँ मधेशीहरुको  पञ्जामा अँठ्याएर राख्ने अनि संबिधानमा चाहिँ सबै जनजाति, दलित र आदिवासीको प्रतिनिधित्व चाहने ? वाह ! कति समावेशी रहेछन है मधेशी दलहरु ? कस्तो समावेशी नारा हो त्यो मधेशी दलहरुको ? यि मधेशी दलले साँच्चिनै एक्लै सरकार चलाउन पाए भने के गर्लान ?  यिनले बनाउने समावेशी सरकार हेर्न लायकको हुँदैन त ?