-राजेन्द्र लाल

भनिन्छ यदि श्रीमान तथा श्रीमतिको सम्वन्ध एक आपसमा विश्वास र सत्यमा आधारित छ भने त्यो सम्वन्ध धेरै मजवुत तथा दिर्घकालिन हुन्छ र कसैलेपनि त्यसको जगलाई हल्लाउन सक्दैन । तर हालै भएको र्सर्वेक्षणवाट महिलाको तुलनामा पुरुषले वढी झूठो वोल्छन् भन्ने तथ्य र्सार्वजनिक भएको छ । अध्ययनका अनुसार सामान्यता एक दिनमा महिलाले दुई चोटी र पुरुषले महिला भन्दा तीन गुणा वढी अर्थात छ देखि सात पटकसम्म झूठो वोल्छन् ।

करीव ३००० महिला तथा पुरुषसँग गरिएको र्सर्वेक्षणमा उक्त तथ्यहरु खुल्न आएको छ । बेलायत बाट प्रकाशित द टेलिग्राफ दैनिकमा हालै प्रकाशित उक्त प्रतिवेदन अनुसार, सामान्यता एक वर्षमा महिलाले ७२८ पटक र पुरुषले करीव १,०७८ पटक सम्म झूठो वोल्छन् । प्रतिवेदन अनुसार सामान्य महिलाको तुलनामा पुरुषलाई झुठो वोलेकोमा अपराध वोधको संभावना पनि कम हुन्छ ।

उक्त अध्ययन अनुसार, ८२ प्रतिशत महिला झुठो वोले पछि उसको आत्माले उसलाई धिक्कारेको हुन्छ, जवकि पुरुष तर्फ यो ७० प्रतिशतमा मात्र लागु हुन्छ । धेरैजसो पुरुष आफ्नो धुम्रपान वा मधपानको आनी वानी तथा प्रेम प्रसंगलाई लुकाउन झूठो वोल्छन् भने महिलाले कहिलेकाहिँ प्रेम प्रसंग लुकाउन र आफूले गरेको सवै ठीकै छ, कुनै गडवड भएको छैन भन्दै झूठो वोल्छन् ।

झुठो वोल्नु एउटा यस्तो मानविय स्वभाव हो जसवाट आफूलाई जोगाउनु उतिनै कठीन छ । तर पनि यो सामाजिक वोलचालको अतिनै महत्वपूर्ण हिस्सा हो । हालसम्म झूठ वोल्नुमा हाम्रो वंशानुगत गुण वा मानव विकासक्रम वा पालन पोषणको देन हो भने पत्ता लगाउन वैज्ञानिकहरु लागिपरेका छन् । आशा गरौं यसवाट पनि भविष्यमा पर्दा हट्ने नै छ । मेरो विचारमा हामी सकेसम्म झूठो नै नवोलौ । जान अन्जानमा यदि झूठो वोली हाले पनि आफनो गल्ती स्वीकार गरेर क्षमा माग्न सिकौं । शायद त्यही नै नयाँ शुरुवात हुनेछ ।

-महिलासँग संबन्धित तलका रिपोर्ट पनि हेर्नुस-

कस्तो छ नेपालमा महिलाको स्थिति

सूदुर पश्चिममा महिलाको अवस्था 

पोषण, खाद्यान्न उपभोग, मातृ शिशु स्वास्थ्य र नेपाल

प्रेमपत्र लेख्ने डरले छोरीलाई स्कूलै नपठाउने ?

एउटा खसी र दुई हजारमा किनेको लोग्ने 

जागिर खाने पत्नी घर निकाला