झोला
-विद्या सापकोटा
सपनाको खोजीमा
रम्दै रमाउँदै
गाउँ छिचोलेर
निस्केको एउटा झोला
आइपुगेको छ, मान्छेको बस्तीभन्दा पर
जहाँ मान्छे कम, रोवर्ट बस्छन् ।।
°°°°°°°°°°°°°°°°°°°°°
देखिरहेको छु म,
मिर्मिरेको झुल्को
कलिलो बालक घामसँगै
सपनाका नागबेली ओढेर
त्यो निस्किरहन्छ/हिँडिरहन्छ
एउटा नादान मान्छेको काँध चढेर ।।
°°°°°°°°°°°°°°°°°°°°°
मृगतृष्णा
पाइतालामा बोकेर……….
सानो गोरेटो,
गाउँखर्क
र
देउराली
छोडेर आएको
त्यो कसैको आस्थाको भारी
विश्वासको परिधि
सपनाको कोदाली
भविष्यको दर्पण
हिँडिरहन्छ /दौडिरहन्छ
सडक नाप्दै, पाइला गन्दै……..
गल्लीदेखि आलिशान महलसम्म
भित्ते अक्षरदेखि
अखबारका प्रत्येक विज्ञापनसँग ।।
°°°°°°°°°°°°°°°°°°°°°
अनि फर्किरहन्छ समसाँझै,
कतै विसिइने चाहना भुले जस्तै
परिधि नाघ्न नसकेको पीडा
विवशताको भारी
विवशताकै काँध
हराएका सपना
बिर्सिएका पाइतालाका डोबहरू
गन्दै, पछ्याउँदै
निरीह/थकित/चकित ।।
°°°°°°°°°°°°°°°°°°°°°
सायद ,
यो शहरले उसलाई चिनेन
वा उसले शहरलाई …
देख्नेहरु हाँस्छन्, ऊ झोला छाड्दैन
म कुँडिन्छु, झोलाले उसलाई छाड्दैन ।।
°°°°°°°°°°°°°°°°°°°°°
एउटा प्रश्न खडि्करहन्छ,
पर्खाइको यो देउराली
अग्लिनेक्रम कहिलेसम्म ??
रसाउन सक्थ्यो पहरा
सम्याउन सक्थ्यो पहाड
साहसी त्यो ज्वालामुखी
निस्तेजीकरण
कहिलेसम्म ???????????????
-हाल : शंकरदेव कलेज, काठमाडौं
Comments feed
Sundar sirjana narokiyos kalam dhartiko panama narayani,karnali bage jhai bagun masi haru ani chali rahun rukhka pat jhai key boardma hat haru
[Reply]
लोभलाग्दो रचना बिद्याजी कलम यसैगरी बग्दै गरोस
[Reply]
badhai chha bidhya gi tapaiko rachana sari ramro lagyo yasi gari lekdai janu holaa …..?
[Reply]
so beautiful poem, thanks
[Reply]
so really grad poem keep it up thank u,
[Reply]
यो बहुसंख्यक नेपालीहरुको प्रतिनिधी झोला अनि झोलामा अतायको यौटा पात्र म पनि ………
बडो मर्मस्पर्शी कविता कवियत्री ज्यु ||
[Reply]
sarai ramro kabita lekhnu bhayacghha malai pani ramro lagyo
[Reply]
Best of lock yastai yastai kabita lakhnu hai pherapana la? kasto ramra
[Reply]