गत आइतबार २१ तारिख दोस्रो विश्व युद्दमा मारिएका नेपालीबारे हेरेर, ईपर भन्ने त्यो ठाउँ घुमेर आउँदा आउँदै बाटोमा मसिना सिद्रा माछा किन्न रोकियौं हामी । मेरो बेल्जियम यात्राका सहयोगि शेर बहादुर छन्त्यालजीले  सिद्रा माछा बेच्ने पसल खोज्दा गज्जबको न्रित्य देखियो कोर्टेरेईक भन्ने ठाउँमा । आची खस्ने र सु झर्ने ठाउँ अनि वक्षस्थलमा सानो टेप जस्तो धर्कोले टाँसेको बाहेक सारा सर्वाङ्ग छ । ढोलक बजाएर नाङ्गो परेका हुन् की न्रित्य हुन् जस्तो लाग्ने । कहिल्यै नसुनिएको संगितमा दर्जनैं नर्तकी थिए त्यहाँ । ट्रोपिकल डान्स भनेर लेखिएको थियो प्लेकार्डमा । डान्स हो कि मान्छे नांगिन सडकमा निस्किएका हुन् जस्तो लाग्ने हाम्रो सुद्द नेपाली आँखाले हेर्दा । ति रहेछन् बाजिलियनहरु । त्यो हप्ता संगित पर्व परेको रहेछ बेल्जियममा । त्यसैले अनेक अनेक देशका, थरी थरीका भेषभुषामा आआफ्नै न्रित्य र संगित देखाउने सुनाउने मेसो चलेको रहेछ ।

त्यो हेर्न हजारौं झुम्मिएका थिए । न्रित्य हेर्न, संगित सुन्न हो की अर्ध नंग्न जस्ता लाग्ने नर्तकी युवतीहरु हेर्न हो बरु !

कसैको त वक्ष स्थलका केन्द्र समेत सार्वजनिक थिए । तर उनीहरुलाई कुनै मतलव थिएन । बरु क्यामरा देखेपछि उतै सोझिन्थे, सोझ्याउँथे शरिर ।

यो एन्तरपेन शहरको नगरपालिका भवन हो । माथिल्लो तहमा देब्रेबाट  दोस्रो मा नेपाली झण्डा फहराइरहेको छ । यति झण्डा देख्दापनि नेपालीलाई सधैं हर्ष हुने रहेछ । नेपालीहरु त्यहाँ पुगेर त्यो झण्डा देख्दा कता कता आफ्नै देशको माया र संझना अनि सामिप्यले छुने रहेछ ।

लुभेन शहरको सायद यो भवन हो टाउन हल । यो  त्यहाँको सबैभन्दा पर्यटकिय आकर्षणको थलो रहेछ । यो भवनको कला साँच्चिकै आकर्षक छ ।

सयौं बुद्द एक बुद्द: लेखिए झैं हेर्दै जानुस त साँच्चै एउटा सिंगो बुद्दाक्रिति देखिने रहेछ । युवराज गुरुङको हिमालयन यती हाउस रेस्टुरेन्टमा राखिएको पोष्टर ।

त्यहाँको टाउन हल । पर्यटकिय आकर्षणको अर्को प्रमुख थलो । यसमा कुँदिएका कला असाध्यै सुन्दर मानिन्छन् । यो शेरबहादुर छन्त्यालले खिचेको तस्विर हो ।

झट्ट अन्तरिक्ष यान जस्तो लाग्छ । तर होइन । सामान्य कला मात्रै हो शहरको मध्य भागमा राखिएको ।

फरन्स र बेल्जियमलाई छुट्याउने सिमास्तम्भ । यत्ति हो । यो सिमामा किचकिच, बल मिच्याइँ, सैनिक परेड केहि हुन्न नेपाल-भारत सिमामा जस्तो । छिमेकीहरु असल भैदिए सिमास्तम्भपनि नचाहिने जस्तो लाग्छ यूरोपका देशहरुलाई हेर्दा ।

लौ कागजपत्र देखाउ त : फ्रान्सबाट बेल्जियम पस्दा सिमा क्षेत्रमा कागजपत्र जाँच गर्दै फ्रान्सेली प्रहरी । अवैध धन्दा, गैह्र कानुनी प्रवेश र आप्रवासीलाई रोक्न उनीहरु सिमामा बेला बखत यसै गरि छड्ने जाँच गर्छन् । यो तस्बिर बस भित्रै आएर उनीहरुले जाँच गर्दा मैले झुक्याएर लिएको हुँ ।

(बेल्जियमको नेपाली समूदाय, संस्क्रिति, ब्यापार, बसाई, राजनीति आदि विविध पाटो बारे निकै सामाग्रि आउन बाँकि छ । त्यसैले नेपालप्लस हेर्दै गर्नुहोला)