जित कसको ?
एनेकपा माओवादीको अहिले केन्द्रिय कमीटी बैठ्क चलिरहेको छ । अघिल्ला बैठकहरुमा भन्दा यस पटक पार्टीमा स्पष्ठ रुपमा तिन धार देखा परे। अध्यक्ष प्रचण्ड, उपाध्यक्षद्वय मोहन बैद्य र डा बाबुराम भट्टराईका धार । पार्टीका तिन शक्तिशाली नेताहरु तिन भिन्न प्रतिबेदन लिएर प्रस्तुत भएकाले माओवादी भित्र बैचारिक लडाईपनि बढ्दै गएको चर्चा चलेको छ । यस अघि पार्टीमा प्राय बैद्य र प्रचण्डका फरक फरक मत र प्रतिबेदन हुने गरेकामा यस पटक भट्टराईले समेत भिन्न प्रतिबेदन लिएर प्रस्तुत भएकालेपनि त्यस्तो चर्चा चलेको हो । तिन शक्तिशाली नेताहरुले आआफ्ना भिन्न बिचार र दाबीका साथ प्रतिबेदन तयार पारेकाले अब पार्टीमा जित कसको होला त ?
पार्टी अध्यक्ष पुष्प कमल दाहाल ‘प्रचण्ड’को प्रतिबेदनमा घरेलु प्रतिक्रियावाद र भारतीय विस्तारवाद विरुद्ध सदन, सडक र सरकारबाट सशक्त संघर्ष गर्दै शान्ति र संविधानलाई पूर्णता दिनुपर्छ भन्ने उल्लेख छ । सडक, सदन र सरकारको मोर्चा मार्फत नयाँ शान्ति र संविधानको कार्यभार पूरा गर्नुपर्ने पार्टीको पहिलेकै रणनीतिलाई अगाडि बढाउनुपर्ने प्रचण्डको प्रतिबेदनले जोड दिएको छ ।
उता मोहन बैद्य किरणले भने पार्टी शान्ति संझौता गरेदेखि संबिधान सभाको निर्वाचनसम्म आइपुग्दा नेता र कार्यकर्ता बिचलित भएको, निम्न पूजिवादी चिन्तन हाबी भएको र पार्टी संसदिय दलदलमा फस्ने खतरा रहेको आरोप लगाएका छन् । पार्टीलाई स्वदेशी तथा बिदेशी प्रतिक्रियावादीहरुले चौतर्फी घेराबन्धि गरेर जनयुद्दका उपलब्धिहरुलाई नै खत्तम पार्न खोजेको र माओवादीलाई समग्रमा फसाउन खोजेकोले पार्टी जनबिद्रोहमा जानु पर्ने दाबी गरेका छन् । संबिधान सभाको निर्वाचनसम्म आइपुग्दा भारतले नांगो हस्तक्षेप गरेको, माओवादीलाई पाखा लगाउन खोजेको र राष्ट्रियतामा भारत नै प्रमुख बाधक रहेकाले भारतलाई स्पष्ठ रुपमा प्रमुख बिरोधीका रुपमा किट्नुपर्ने पक्षमा छन् बैद्य ।
उता अर्का उपाध्यक्ष बाबुराम भट्टराई भने तत्काल पार्टी जन बिद्रोहमा जान नहुने पक्षमा छन् । भारतलाई प्रधान शत्रुको रुपमापनि लिन नहुने पक्षमा छन् । उनी भारतीयहरु भन्दा देशमै घरेलु प्रतिक्रियावाद हाबी रहेको उल्लेख गरेका छन् । साथै भट्टराईले अहिले जन बिद्रोहमा जानकालागि स्वदेशी र बिदेशी परिस्थिति अनुकुल भैनसकेको दाबी गरेका छन् । उनले जनयुद्द, जन आन्दोलन र मधेश आन्दोलनबाट प्राप्त उपलब्धिलाई रक्षा गर्नु पर्ने उल्लेख गरेका छन् । पार्टीले ति उपलब्धि रक्षा गर्न शान्तिपूर्ण बाटो रोज्नु पर्ने, ब्यापक जनदबाब र शान्तिपूर्ण आन्दोलन मार्फत जनताको पक्षमा संबिधान बनाउनु पर्ने पक्षमा जोड दिएका छन् ।
कार्यपत्रका हिसाबले बैद्यको भन्दा डा बाबुराम भट्टराईको प्रतिबेदन पार्टी अध्यक्षको निकट छ । किनभने भट्टराइ र प्रचण्ड दुबैले अहिले शान्तिपूर्ण आन्दोलन र सरकार बनाउनु पर्ने कुरालाई महत्व दिएका छन् । जे होस, तिन वटै प्रतिबेदनलाई मिलाएर संयुक्त बनाउने पक्षमा छन् नेताहरु । यी तिन प्रतिबेदनहरु मतदानकै आवस्थामा पुग्ने गरि बिवाद नभएको बताइन्छ । तरपनि पार्टीमा अहिलेसम्म प्रचण्ड नै शक्तिशाली मानिन्छन् । पार्टीमा निकै शक्तिशाली मानिएका अर्का उपाध्यक्ष नारायणकाजी श्रेष्ठ, महासचिव राम बहादुर थापा ‘बादल’ लगायतका नेता प्रचण्डकै पक्षमा रहेको बताइन्छ । तर पार्टी शान्ति संझौतामा आएदेखि प्रचण्डको आलोचना बढ्दो छ । पार्टीको कार्यदिशाबारे बिवाद, बहस र आलोचनापनि उत्तिकै प्रश्नहरु उठिरहेकाले यसैको जित हुन्छ भन्न मुस्किल छ ।
Comments feed
दस बर्स जनयुद तेसबधि हजारौ नेपाल आमाको छोराहरुले ज्यान गुमौना बिबस भय .युद कालमा पिडित भयका आफन्त गुमयाका मनिष हरु प्रति यक पल्ट मवाबदिले हृदय देखि नै सोच्नु जरुरि छ . पुन यस्तो प्रकारको युद गर्र्न उचित हुदैन देश र जन्ताकोलागी . कसरि हुन्छ सान्ति बाटो नै अंगालेर सहमति कायम गरि देशलाई असल बाटोमा उन्मुख गरुन उत्तम मनिन्छा. हो मवाबदी पार्टी जनताको जनादेश बाट उ संबिधान सभाको सबै भन्दा ठुलो पार्टीको रुपमा स्थापित हुन पुग्यो र सरकार पनि चलायो . तर के गर्ने जनताले सोचेको जस्तो कम हुन् सकेन विभिन्न राजनीतिक खिचातानीले गर्दा उसले गर्न चाहेको कम सफल हुन सकेन विभिन्न अवरोधको कारणले गर्दा . तर फेरी उ संबिधान सबको ठुलो पार्टी र जनताको जनादेश सबै भन्दा बढी उसमा भयकोले गर्दा सरकार मेरो नेतृत्वमा हुन पर्छा भन्ने उसको भनाइ हो . तर के गर्ने यस्तै अरु पार्टीहरेल सम्रथान नगरेको कारणले गर्दा आज मावोबादी पार्टीमा भिभिन्न नेताहरुको आपनो अपनाई सिदान्त , विचार हरु फरक रुमा देखिन थालेको छ . सबिधान को नियम र अधिकार अनुसार लार्जेस्ट पार्टी भयकोले गर्दा उसको नेत्रुवामा सरकार बनौकोलागो स्वभाविकनै हुनेथियो तर दलले समर्थन नगरेको कारणले गर्दा आज भीरको चिँदो उधो न उभो भयको छ. jasari हुन्छा मवाबदी पार्टी autai सहमति garera jananai utatam hunechh.
मन परो वा परेन:
0 
0
[Reply]