पोर्चुगलमा पनि मनाइँदै

नेपाली महिलाहरूको महान पर्व तीज (हरितालिका) आ उने शनिवार पेरिसको राजदूत निवासमा हुँदै छ । गत वर्षबाट राजदूत निवासमा सबै नेपाली चेलीबेटीलाई निम्तो गरेर मनाउन थालिएको तीजलाई यस पटक पनि निरन्तरता दिईएको हो । गत साल जिवनप्रकाश श्रेष्ठ कार्यवाहक राजदूत हुँदा उनकी पत्नी नीता श्रेष्ठले यो प्रचलन शुरु गरेकी थिइन । यस पटक मोहनक्रिष्ण श्रेष्ठ राजदूत दम्पतीले यसलाई निरन्तरता दिएका छन् । दूतावास परिवारले सबै नेपाली चेलीबेटीलाई बिना संकोच तीज मनाउनका लागि निम्तो गरेको छ । दूतावासमा सबै चेलीबेटीको ठेगाना नहुन सक्ने भएकोले खबर पाउनेले सबै नेपालीलाई जानकारी दिन अनुरोध गरेका छन् ।

त्यस दिन सबै चेलीबेटी बसेर चिनापर्ची, नाचगान गर्ने र सँगै तीजको खाना सँगै खाएर रमाइलो गर्ने कार्यक्रम छ । त्यसको भोलि पल्ट नेपाली सांस्क्रितिक ग्रिहले पार्क द ला भिलेतमा तीजको कार्यक्रम राखेको छ । ग्रिहले राखेको कार्यक्रम साँढे १२ बजेबाट शुरु हुन्छ । तर यस दिन भने आफ्नो खाना आफैँ लिएर जानु पर्ने छ । ग्रिहलेपनि तीज को कार्यक्रम केही वर्ष देखि यसैगरी मनाउँदै आएको छ । दूतावास निवासमा हुने तीजमा पुरुषहरुका निम्ति निम्तो छैन भने ग्रिहले आयोजना गरेको तीज कार्यक्रममा भने पुरुषहरूपनि सहभागी हुन सक्छन् ।

उता पोर्चुगलको लिस्बोन शहरमा पनि त्यहाँका विभिन्न संघ संस्थाले आगामी सेप्टेम्बर १२ का दिन भव्य रूपमा मनाउने निर्णय गरेका छन् । त्यसको लागि बिमला गोतामेको संयोजकत्वमा एक समितीनै बनेको छ ।