आज फूलपाती । जनताकालागि वर्ष दिनको यो पर्वमा सरकारले सहुलित दरमा सहयोग गर्नु पर्ने  हो । आवश्यक वस्तुहरुकालागि । तर अहिले नेपालमा काला बजारियाहरुको बिगबिगि यति बढेको छ कि बजार पुरै उनीहरुले नियन्त्रणमा लिए सरह छ । दैनिक नभइनहुने दुध, चिनी, मट्टितेल, नुन, पिठो र मसला जस्ता चिजहरुमा मनलागि मूल्य बढाएका छन । बजारमा ति सामानहरु प्रशस्तै छन । तर चर्को मूल्य असुल्नकालागि “सामान को अभाव छ, यो पटक सामान नै आएन, डिलरले दिँदैन हजुर हामीले के गर्ने” यस्तै यस्तै भनेर शोषण गरिरहेका छन । यो त मैले आफ्ना दैनिक ग्राहकलाई भनेर बल्लतल्ल ल्याएको हजुर भन्दै काला बजारियाहरुले दोब्बर मुल्य लिइरहेका छन । त्यसरि बाध्य भएर दोब्बर मुल्य तिर्न खोज्दापनिग्राहकहरुले सामान पाउन सकेका छैनन ।
स्थानिय स्तरबाट त्यसको ब्यापक बिरोध र असन्तुष्टि भएपछि हिजो क्याबिनेट बैठक बसेको थियो जसले सहज आपूर्ती गर्ने, कडाईका साथ बजार अनुगमन गर्ने, कालाबजारियाहरुलाई कारवाहि गर्ने निर्णय गरेको थियो । तर त्यसको प्रभाव आज नेपालमा कहि र कतैपनि पर्न सकेको देखिएको छैन । त्यसैगरि, त्यस्ता काला बजारियाहरुलाई स्थानिय स्तरमै कारवाही गर्न सक्ने अधिकार उपभोक्ता सरक्षण ऐनलेपनि दिएको छ । त्यस्तो अनुगमन र कारवाही गर्न सक्ने अधिकार प्रमुख जिल्ला अधिकारीहरुलाई छ । तर सरकारले तिनलाई परिचालित गर्न नसकेर तिपनि बेकम्मा सावित भएका छन । काला बजारियाहरुले त्यहि कमजोरीको फाईदा उठाएर पुरै बजारलाई नियन्त्रणमा लिएका छन ।