नमच्चिने पिङका सय झट्का : ‘निगममा आएको १० दिनमैं अनुशासनको १४ बुँदे पाठ’
डेढ हप्ता अघि संस्कृती, पर्यटन तथा नागरिक उड्डयन मन्त्री योगेश भट्टराईको विशेष निगाहमा नेपाल वायु सेवाको महाप्रवन्धक बनाइएका डिम प्रशाद पौडेलले १४ बुँदे अनुशासन पत्र जारी गरेका छन् । पत्र सम्पूर्ण बिभागिय प्रमुखहरुलाई दिइएको बताइएको छ । पत्रका अधिकांश बुँदा अनुशासनमा केन्द्रित छन् । हुन त नेपाल वायुसेवामा बेला बेला अनुशासनका कुराहरु उठ्ने गरेका छन ।
तर पौडेलले उल्लेख गरेजस्तो स्कुले अनुशासनका कुराहरु भने कर्मचारीहरुका पदिय मर्यादालाई हानी पुर्याउने खालका छन् । यदि महाप्रवन्धकले उल्लेख गरेअनुसार नेपाल वायुसेवाका कर्मचारीहरुको अनुशासनको स्तर त्यहाँसम्म पुगेको हो भने त्यस्ता कर्मचारीलाई छिटो भन्दा छिटो अवकाश दिनु पर्ने कतिपय कर्मचारीहरुको राय छ । तर सुकुले अनुशासन सार्वजनिक गरेर कर्मचारीहरुको मानमर्दन गरिएको नेपाल वायुसेवाका एक जना अधिकारी बताउँछन । ति अधिकारिका अनुसार बैठक गरेर छलफल हुनुपर्ने कुराहरु पत्रका रुपमा सार्वजनिक गरिनु उदेक लाग्दो छ । नेपालकै ईतिहासमा सबैभन्दा ठूला भ्रटाचार काण्डले थिचिएको नेपाल वायुसेवासँग दर्जनौं तिता यथार्थ जोडीएका छन् । गिरिजा प्रशाद कोइरालाले उधुम मच्चाएको धमिजा काण्ड र लाउडा काण्ड हुन वा केपी शर्मा ओलिले कोपरेको वाइड बडी काण्ड होस् नेपाल वायुसेवा सँग नमिठो अतित जोडीएको छ ।
सन् १९५८ मा स्थापना भएको यो वायुसेवा १९९० भन्दा पहिलेसम्म नाफामा चलिरहेको थियो । सन् १९८८-८९ को एउटा मात्र रिपोर्ट हेर्ने हो भने त्यो आर्थिक वर्षमा ५४।३ मिलियन अमेरिको डलर बराबरको ब्यापार गरेको थियो । जसमा लगभग १७ मिलियन अमेरिकि डलर नाफा भएको थियो । त्यो बेला करिव २२ सय कर्मचारीलाई रोजगार दिएर देशकै ठूलो रोजगारी दिने कम्पनी र सबैभन्दा धेरै बिदेशी मुद्रा आर्जन गर्ने कम्पनी बनेको नेपाल वायु सेवामा अहिले जम्मा १४ सय छन् । करिव १३ मिलियन अमेरिकि डलर ‘अपरेटिङ कस्ट’ घाटामा छ । नवनियुक्त महाप्रवन्धकले सबैभन्दा पहिले यसको ईतिहास हेर्न जरुरी छ । कर्मचारीलाई अनुशासन सिकाउनु भन्दा पहिले निगमलाई पुन: ‘ट्र्याक’ मा ल्याउनका लागि अनुशासन पत्र भन्दा पनि श्वेत पत्र नै जारी गर्नुपर्ने आवश्यकता छ । तर विशुद्द राजनीतिक स्वार्थका लागि भएको यिनको यो नियुक्तीले त्यस्तो विश्वासको कतै छनक देखिदैन ।
सुरुमा परिचय मात्रै हेरौं— एमाले प्रचार बिभागका सदस्य,नेकपा उद्योग व्यवसायी महासंघ सचिवालय सदस्य, एमालेनिकट विद्यार्थीसंगठन अनेरास्ववियूका नवलपरासी जिल्ला अध्यक्ष, दिव्या हर्वासिटिकलका अध्यक्ष । डिमप्रसाद (प्रकाश) पौडेलको मुल परिचय यहि हो । पेशामा चार्टड एकाउन्टेड भएपनि अहिले डिमप्रसाद नेपाल बायुसेवा निगममा महाप्रबन्धकका रुपमा राजनीतिक नियुक्तीमा टेकेर निगम छिरेका छन् ।
पौडेल बिगतमा चितवन मेडिकल कलेजदेखि नेपाल क्यान्सर अस्पतालसम्म कारिन्दाका रुपमा सेवारत थिए । त्योपनि राजनीतिक आडभरोसकै नियुक्ती थियो । अहिले पर्यटनमन्त्री योगेश भट्टराईको सेवाभक्तिमा लागेबापत उनलाई बायुसेवा निगममा ल्याइएको छ । जसको हालतपनि बिगतका मदन खरेलजस्तै हुने लक्षण उनी आएको १० दिनमैं दिइएको अनुशासनको पाठले देखाएको छ ।
त्यसैगरी पौडेल पोखराको बतास समूहको अटो कम्पनी इस्ट्रन एजेन्सिज् प्रालिका प्रमुख कार्यकारी अधिृकत थिए । नक्सालमा रहेको यो कम्पनीले नेपालभर भारतीय कम्पनी आइचरका चार पाङ्ग्रे सवारी साधान बिक्रीको जिम्मा लिएको छ । गत साउनमा पर्यटनमन्त्री भट्टराईले गठन गरेको ‘नेपाल वायुसेवा निगम सुझाव कार्यदलमा पौडेल ५ जनामध्येका एक थिए । सेवाभक्तिमा लागेबापत उनलाई बायुसेवा निगममा ल्याइएको छ । कुनै प्रतिष्पर्धा र प्रतिभाको आधारभन्दा पनि आफू उसैगरी जस्केलाबाट बायुुसेवा निगममा आएर सनातनी स्वरमा ‘निगमलाई फाइदामा लैजान जहाज थप्नुपर्छ’ भन्ने बोली पचाउनमा अभ्यस्त भएका पौडेलले जारी गरेको अनुशासनको आदेश निगमभित्रै विवाद र बहसको बिषय बनिसकेको छ ।
थन्किएका चिनियाँ जहाज वा अर्बौ रुपैंयाको घाटा र गन्तव्य पाउन नसकिरहेको वाइडबडीका बारे केही बोल्न नचाहने वा नसक्ने पौडेलले कुनै सरकारी प्राथमिक बिद्यालयको हेडसर झैं ‘१० बजे आएर ४ बजे विध्यालय छाड्नु’ भन्दैमा उपलब्धी के हुने हो, यसको परिणाम केहि महिनामैं फेला पर्नेछ ।
