नेपालप्लस समाचार प्रभाव : नेपाल वायुसेवाको मलेशिया कार्यालयका कर्मचारी फिर्ता बोलाइए
गत बुधवार मलेशियाबाट काठमाडौं आएको एनआरए न्यारो बडी विमानमा कोरोना पोजेटिभ यात्रुलाई उडान भराउने मलेशियास्थित नेपाल एयलाइन्सका तीन जना कर्मचारीलाई निगमले कारवाही गरी फिर्ता बोलाएको छ । मलेशियामा रहेका निगमका कन्ट्री मेनेजर नरेश श्रेष्ठ, विमानस्थल प्रमुख युवराज आचार्य र फाइनान्स प्रमुख ईन्द्र थापालाई काठमाडौं बोलाइएको हो ।
गत पुष १५ गते नेपालप्लसमा ‘अन्तर्राष्ट्रिय उडानका यात्रु चार घण्टा उभिएको उभियै : एउटा कोरोना पोजेटिभका कारण ५४ यात्रु क्वारेन्टाइनमा‘ शिर्षकमा समाचार प्रकाशित भएपछि निगमले हाल ति कर्मचारीमाथि कारवाहि अगाडि बढाएको हो ।
गत बुधवार कोरोना पोजेटिभ रिपोर्ट साथमा लिएर आएका यात्रु बिकास प्रशाद गुप्ता त्रिभुवन विमानस्थलमा ओर्लेएपछि सँगै उडानमा आएका अन्य ४५ जना यात्रुलाई क्वारेन्टाइनमा राखिएको छ । यो घटनापछी उडानमा हदैसम्मको लाहपरवाही भएको बताउँदै आफ्ना तिनै जना कर्मचारीलाई तत्काल फिर्ता बोलाइएको निगमले जनाएको छ ।
निगम श्रोतका अनुसार क्वारेन्टाइनमा रहेका अन्य ४५ यात्रुको क्वारेन्टाइन खर्च र स्वास्थ्य परिक्षाणको खर्च यि तीन जनाबाट असुलउपर गरिने छ । उक्त बिमानमा आएका मध्ये ४५ जना यात्रुलाइ बुधवार देखिनै गौशालाको होटल रोयल कुसुम र त्यहिँकै अर्को होटल बाल्टिकमा राखिएको छ । निगम र नागरिक उड्डयन प्राधिकरणका कर्मचारीहरुले भने मलेशियाबाट तीन जना कर्मचारीलाई फिर्ता बोलाएर मात्र यो घटनाको औचित्य पुष्टी नहुने बताएका छन् ।
उड्डयनका एक जना वरिष्ठ अधिकारी भन्छन- यो सामान्य घटना होइन । यो घटनामा तीनजना कर्मचारीलाई मात्र जोडेर हेरियो भने अन्याय हुन्छ। छानविनको दायरा बढाउनु पर्दछ । यो घटनामा निगमले नभइ मन्त्रालयले छानविन गर्नुपर्दछ र महाप्रवन्धक डिम प्रकाश पौडेल सहित कमर्सियल डाइरेक्टर टंकनिधी दाहाल समेत अनुसन्धानको दायरामा आउनु पर्दछ ।
घटना भएको भोलीपल्ट (गत बिहीवार) महाप्रवन्धक पौडेल, उपप्रबन्ध निर्देशक गणेश चन्द र कमर्शियल डाइरेक्टर दाहाल रहेको पोस्टिङ कमिटिले १५ दिन भित्र फिर्ता आउन आफ्न कर्मचारीलाई पत्र काटेको छ । तर कमर्सियल डाइरेक्टर दहालले आफू मातहतका कर्मचारीलाई कारबाही गर्ने क्रममा मौनता साँध्दै सकेसम्म बचाउका पक्षमा आफ्ना धारणा राखेका थिए । र क्वारेन्टाइनमा राखिएका यात्रुको सम्पूर्ण खर्च कारवाहीमा परेका कर्मचारीबाट भराउने कुराको बिरोधमा थिए ।
खासमा बाहिरी दवाव नभएको भए ति तीनै जना माथि कुनै कारवाही हुने थिएन- निगमका एक कर्मचारीले भने । यो घटना जति सामान्य रुपले लिईएको छ, त्यति सामान्य होइन । त्यसैले प्रश्न ति तीनजना माथि मात्रै होइन महाप्रवन्धक र कमर्सियल डाइरेक्टर माथी पनि उठेका छन्- ति कर्मचारी भन्छन् । यो बिषयमा मन्त्रालयले छानविन गर्नुपर्दछ ।
यसैसित संवन्धित अघिल्लो समाचारपनि हेर्नुस्
