तेस्रो लकडाउन नगरे स्थिति भयावह हुने फ्रान्सेली अस्पतालहरुको चेतावनी

रुप बदलिएका कोरोना भाईरसहरुको महामारी झन बढ्न थालेपछि फ्रान्सका अस्पतालहरुको संगठनले फ्रान्समा तेस्रो लकडाउन अभिलम्ब शुरु नगरे स्थिति भयावह हुने चेतावनी दिएको छ ।

फेडेरेसन हस्पिटलस् अफ फ्रान्स (फ्रान्सको अस्पताल महासंघ) का प्रमुखले शुक्रबार नयाँ राष्ट्रव्यापी तालाबन्दीको लागि आह्वान गरेका हुन् । कोरोना भाइरसबाट सबैभन्दा बढी प्रभावित अस्पतालहरूले सरकार र स्वास्थ्य अधिकारीहरु बीचको तनावको अन्तिम उपायहरुमा केही अन्य प्रक्रियाहरूले गर्दा ढिलाइ गर्नुपर्ने भन्दै लकडाउन गर्नुपर्ने तर्क दिएका हुन् । तेस्रो चरणको लकडाउन नगरे यसले झन बिकरल रुप लिने चेतावनी महासंघले दिएको छ ।

ला फँतेनब्लु नगरपालिकाका मेयरसमेत रहेका फ्रान्सेली अस्पताल (एफएचएफ) को महासंघका अध्यक्ष फ्रेडरिक भाल्तुले एलसीआई टिभीलाई अन्तर्वार्ता दिँदै अस्पतालहरूको अवस्था हालको नियन्त्रणमा रहेपनि धेरै क्षेत्रमा धेरै तनावपूर्णरहेकोले तेस्रो लकडाउन गर्नुपर्ने बताएका हुन् ।

फ्रान्सेली सरकार र स्वास्थ्य अधिकारीहरूमाझ बढ्दो मतभेदकाबीच पेरिस एपी-एचपी अस्पतालहरूको संकट टोलीका प्रमुख ब्रुनो रिउले शुक्रबार चेतावनी दिएका छन् “कोविड १९ बाट कडा प्रभावित अस्पताल र सघन उपचार इकाईहरूले केही अन्य प्रक्रियाहरूमा ढिलाइ गर्नुपर्ने हुन्छ । त्यसले गर्दा लकडाउन नगरि ति समस्या हल गर्न मुस्किल पर्ने देखिन्छ ।”

उनीहरूको चेतावनी प्रधानमन्त्री जँ कास्टेक्सले फ्रान्समा कोविड १९ को अवस्था नाजुक भएको बताएको एक दिन पछि आएको छ । तर वर्तमानमा नयाँ तालाबन्दीलाई उनले औचित्य प्रमाणित गरेका थिएनन् । चिकित्सकहरुले प्रधानमन्त्रीद्वारा तेस्रो लकडाउन घोषणा गर्ने आशा गरेका थिए ।

“हामीले हालसालै अपनाएका वर्तमान प्रतिबन्धहरूलाई कायमै राख्नुपर्दछ । तर आजको स्थितिले नयाँ राष्ट्रिय तालाबन्दीलाई औचित्य ठहराउँदैन” प्रधानमन्त्रीले एउटा पत्रकार सम्मेलनमा भनेका थिए ।

पेरिसको सँ आँत्वान अस्पतालमा संक्रामक रोग विभागका प्रमुख करीन लाकोम्बेलेपनि आजै शुक्रबार संक्रमणको रोकथामका लागि नयाँ उपायहरू अपरिहार्य रहेको बताएका छन् । “हामी अझै संक्रमण जोखिमको उच्च बिन्दूमा छौं । यसलाई तल झार्न नयाँ प्रतिबन्धात्मक उपायहरू अपरिहार्य हन्छन्” उनले फ्रान्स इन्टर रेडियोसित भनेका छन्।

फ्रान्सले गत वर्ष दुई राष्ट्रव्यापी लकडाउनहरू लागू गर्‍यो । हाल विश्वको सबैभन्दा प्रतिबन्धित कर्फ्यूमध्ये एक भएको देश हो । फ्रान्समा हाल साँझ ६ देखि बिहान ६ बजे (१२ घण्टा) सम्म कर्फ्यु लगाइएको छ।

एस्ट्राजेनेका खोपको पहिलो खेप यहि हप्ताको अन्त्यसम्म फ्रान्समा आउने र सरकारले यस महिनाको अन्त्यसम्ममा ४० लाख खोपको लक्ष्य हासिल गर्न मद्दत गर्नेपनि प्रधानमन्त्री जँ कास्टेक्सले बातएका छन् ।

राष्ट्रपति इमानुएल माख्रोंले ग्रीष्मको अन्त्यसम्म फ्रान्सका सबै वयस्कहरूलाई खोप दिने आश्वासन यस अघिनै दिईसकेका छन् ।