फिफाका अध्यक्षद्वारा युरोपियन सुपर लीगको निन्दा

फिफाका अध्यक्ष जियानि इन्फान्टिनोले “बन्द शप” युरोपेली सुपर लिगको निन्दा गरेका छन् । यसका नतिजाहरुमा संलग्न क्लबहरुलाई चेतावनी दिएका छन् ।

“हामी केवल सुपर लीगलाई अस्वीकार गर्न सक्दछौं जुन एक बन्द पसल हो, जुन हालको संस्थाबाट छुटकारा पाएको छ” विश्व फुटबलको जुरिचस्थित गभर्निंग बडीका प्रमुख इन्फान्टिनोले मंगलबार स्विजरल्याण्डको मोन्ट्रिक्समा युईएफएको सम्मेलनमा संवोधन गर्दै भनेका छन् ।

रियल म्याड्रिड, बार्सिलोना, म्यानचेस्टर युनाइटेड, लिभरपुल र जुभन्टुस लगायत युरोपका १२ शीर्ष क्लबहरूले सोमबार लिगको घोषणा गरेपछि उनले त्यस्तो प्रतिक्रिया दिएका हुन् ।

“यदि कोही छनौटकर्ता आफ्नै तरिकाले चल्न खोज्छ भने तिनले आफ्नो छनौटको नतिजापनि भोग्नुपर्छ । उनीहरू आफ्नो छनौटको लागि जिम्मेवार हुन्छन् । यसको ठोस मतलब कि त तपाईं भित्र हुनुहुन्छ वा तपाईं बाहिर हुनुहुन्छ । तपाईं आधा भित्र र आधा बाहिर हुन सक्नुहुन्न । यो एकदम स्पष्ट हुनुपर्दछ” उनले भने।

नयाँ सुपर लीगको घोषणाले ब्रिटिश प्रधानमन्त्री बोरिस जॉनसनलगायत युरोपियन फुटबल अधिकारीहरू, क्लबहरू, फ्यानहरू र राजनीतिज्ञहरूको व्यापक आलोचना निम्त्याएको छ ।

युरोपेली फुटबलको नियोनस्थित यूईएफएका अध्यक्ष एलेक्जान्डर सेफेरिनले सुपर लिग योजनालाई सबै फुटबल प्रेमीहरूको ‘अनुहारमा थुक’ लागेको बताएका छन् ।

मंगलबार युईएफएको सम्मेलनमा क्लबले ठूलो गल्ती गरेको भन्दै फेरि सोच्न उनले आग्रह गरे ।

“अझैपनि सोच र दिमाख बदल्ने, महसुस गर्ने समय छ । गल्ति सबैले गर्छन्” अध्यक्षले भने ।

आफ्नो मन्तब्यमा खेललाई एक “उत्पादन” र प्रशंसकलाई “उपभोक्ता” को रूपमा हेर्ने मालिकहरूको धारणाको आलोचना गरे ।

तर अमेरिकी बैंक जेपी मोर्गन चेजले लिखित गरेको उनीहरूको योजनाबद्ध ब्रेकवे लीग कहिले शुरु हुनेछ सुपर लिग पछाडिका १२ क्लबले भनेका छैनन् ।

मंगलबार रोयटरले रिपोर्ट गरेअनुसार यस क्लबले युईएफए र फिफालाई उनीहरूको नयाँ प्रतिस्पर्धामा वार्ता सुरु गर्न आह्वान गरेको छ ।

मुख्य योजनाकार मध्ये एक रियल मेड्रिडका अध्यक्ष फ्लोरेन्टिनो पेरेजले भने “फुटबल बचाउनका लागि विवादास्पद निर्णय लिइएको थियो । यसले केही हदसम्म प्रेरित गरेको थियो । किनभने युवाहरूले खेलमा चासो राखेका छैन ।”

“जब केहि परिवर्तन गर्न खोजिन्छ त्यसको सधैं विरोध गर्ने मानिसहरू हुन्छन् । हामी यस महत्वपूर्ण क्षणमा फुटबल बचाउन यो गरिरहेका छौं” पेरेजले स्पेनी टिभी कार्यक्रम एल चिरिंग्युटो डे जुगोनसलाई भने “दर्शकहरु घट्दै छन् । अधिकारहरू घट्दैछन् । केहि गर्नैपर्थ्यो । हामी सबै बर्बाद भयौं । टेलिभिजन परिवर्तन गर्नुपर्नेछ ताकि हामी समयानुकूलन हुन सकौं । ”

इङलिस प्रीमियर लिग क्लब म्यानचेस्टर युनाइटेड, लिभरपूल, चेल्सी, आर्सेनल, म्यानचेस्टर सिटी र टोटेनहमले जुभेन्टस, एसी मिलान, इन्टर मिलान इटाली र बार्सिलोना, रियल मैड्रिड र स्पेनका एटलेटिको म्याड्रिडले हस्ताक्षर गरेका छन् । थप तीन टोलीहरू उद्घाटन सत्र अगाडि संस्थापकहरूको सूचीमा सम्मिलित हुनेसमेत जनाईएको छ । क्वालिफाइङ मेकानिजन सेट गरी अर्को टोली डिभिजन पूरा गर्नका लागि राखिने छ ।