म्यानमार विद्रोही समूहद्वारा थाई सीमा नजिक सैन्य क्याम्प कब्जा

म्यानमारको एक प्रमुख जातीय विद्रोही समूहले आजै मंगलबार बिहान थाई सिमाना नजिक पूर्वी म्यानमारमा एक सैन्य अड्डामा हमला गरी कब्जा गरेको समूहका एक अधिकारीले दाबी गरेका छन् ।

एएफपीका अनुसार आज मंगलबार करेन राज्यस्थित सल्विन नदीको छेउमा दोहोरो भिडन्त भएको थियो । त्यहाँ सीमाको सीमांकन र रक्षा गर्ने सैनिक बसेका थिए । सोहि क्षेत्रमा बिद्रोही सेना र म्यानमारको जुन्टा शासक समर्थक सेनाबिच भिडन्त भएको हो । थाई सिमा क्षेत्रका बासिन्दाहरूले म्यानमारको गोलीबारी र विष्फोटनको आवाज सुनेको एएफपीलाई बताएका छन् ।

“हाम्रो सेनाले बर्मी सैनिक शिविर कब्जा गर्यो” केएनयूका विदेश मामिला प्रमुख पाडोह साव ताव नीले एएफपीलाई बताए “बिहान ५ बजेतिर भिडन्त भएको थियो।”

“हामी अर्को सिमात्तर्फबाट पड्केको सुन्न सक्दछौं, हामी बुलेटहरू सुन्न सक्छौं” थाई सीमा भित्र माए साम लिप निवासी करेन समूदायकि हकाराले भनिन् ।

“हामीले पाँच वा ६ वटा बर्मी सैनिकहरू नदी तर्फ दगुर्दै गरेको देख्यौं । त्यसपछि हामीले केएनयूले उनीहरूलाई गोली हानिरहेको देख्यौं । तर एकदम अन्धकार थियो ।”

“म्यानमार सेनाले बदला लिने डरले केही गाउँलेहरू आफ्नो घर छोडेर अन्य शहरहरूमा हिँडिसकेका छन्” हकाराले भनिन् “कोही पनि बस्न हिम्मत गर्दैनन् । बारुद पड्केर आगाका मुस्ला देखिनथालेपछि उनीहरू आज बिहान सबेरै दौडिए” उनले एएफपीलाई बताइन् ।

फेब्रुअरी १ ​​को सैनिक विद्रोहमा सेनाद्वारा बर्खास्त नागरिक नेता आङ साङ सुचीको आव्हानले म्यानमारमा उथलपुथल मच्चाएको छ । सुरक्षा अधिकारीहरुले प्रदर्शनकारीहरू विरुद्ध घातक आक्रमण र दमन गरेपछि विद्रोहको गति बढेको छ ।

सैनिक कू विरोधी आन्दोलनले देशभर व्यापक समर्थन प्राप्त गरेको छ । म्यानमारका केही सशस्त्र विद्रोही समूहहरूलेपनि दशकौंदेखि बढी स्वायत्तताको माग गर्दै सेनासँग संघर्ष गरिरहेका छन् ।

करेन् नेश्नल युनियन (केएनयू) का सबैभन्दा कडा विरोधकर्ताहरु मध्ये एकको हप्तासम्म म्यानमारको पूर्वी सिमानास्थित उनीहरुको क्षेत्रमा सेनासित झडप भएको छ ।

गत महिना केएनयूले एक सैन्य अड्डा कब्जा गरेपछि जुन्टाले रातमा धेरै हवाई हमला गरि प्रतिक्रिया जनाएको थियो । गत २० वर्ष भन्दा बढी समयपछि करेन राज्यमा हवाई आक्रमण भएको यो पहिलो प्रयोग थियो ।

थाई क्षेत्रमा छोटो शरण लिन नदी पार गरेका लगभग २,००० सहित २४ हजार भन्दा बढी नागरिक विस्थापित भएपछि पछिल्ला हप्ताहरूमा करेन राज्यमा द्वन्द तीव्र भएको छ ।

अनुमान गरिएअनुसार सिमा क्षेत्रमा पर्ने म्यानमारको एक तिहाई क्षेत्र असंख्य विद्रोही समूह द्वारा नियन्त्रित छ । तिनको आफ्नै मिलिशिया छ।

केएनयूले सैन्य कूको निन्दा गरेको छ र उनीहरूले कम्तिमा २,००० सैन्य विरोधीहरुलाई शरण दिइरहेका छन् जो शंकास्पद ठाउँबाट भागेका थिए ।

स्थानीय निगरानी समूहका अनुसार जुन्टा समर्थित त्यहाँको सेनाले हालसम्म ७५० भन्दा बढिको हत्या गरिसकेको छ । जुन्टासँग भने ज्यादै थोरै तथ्यांक छ र उनीहरुले म्यानमारमा भएको हिंसालाई दंगा गर्नेहरु जिम्मेवार छन् भन्दै दोष लगाउने गरेको छ ।

(नेपालप्लस सँगै ए एफपी र फ्रँस २४ न्युज)