दैनिक संक्रमितको संख्या ६ हजार नाघ्यो, पूर्व राजादेखि पूर्व प्रधानमन्त्रीसम्म अस्पतालमा

पूर्व प्रधानमन्त्री तथा हाल एमाले पार्टीमा बिद्रोही नेताका रुपमा चिनिएका झलनाथ खनाललाई कोभिड पोजिटिभ भएर निमोनिया देखिएपछि शनिबार साँझदेखि नर्भिक अन्तर्राष्ट्रिय अस्पतालमा भर्ना गरिएको छ । प्रतिमिनेट पाँच लिटर अक्सिजन दिएपछि मात्रै नेता खनालको अक्सिजन लेभल र श्वासप्रश्वास स्थिती सहज भएको समाचार सार्वजनिक भएको छ ।

नर्भिककै भीभीआइपी सेवामैं पूर्व राजा ज्ञानेन्द्र, पूर्व रानी कोमलसहितका बिशिष्ट बिरामी र नेता खनालको बिरामी सूची एकसाथ बाहिर आइसकेको छ । नेपाली सेनाका पूर्व प्रमुख रुक्माङ्गद कटवाल बिगत ३ हप्ता देखि सैनिक अस्पातल छाउनीमा उपचार गराइरहेका छन् । उनको स्वास्थ्य स्थितिमा खास सुधार हुन नसकेको जनाइएको छ । तथापी भीआइपीहरुले अस्पतालहरुमा बेड र अक्सिजन नपाएको अवस्था भने छैन । सामान्य र आम नागरिकका लागि कहींकतै कोभिड–सिट नपाइरहेको अवस्थामा बिशिष्टहरु भने नर्भिक, ह्याम्स, मेडिसिटी, ग्रान्डी वा अन्य अस्पातलहरुमा ससम्मान भर्ना भैरहेका देखिन्छन् । आम जनसमुदायको रोस पनि यही छ कि सामान्य जनताका हकमा ‘आफ्नो स्वास्थ्य सुरक्षा आफैं गर्नु’ भनेर हात उठाउने सरकारले यी बिशिष्ट राजनेताहरुलाई किन र कसरी लगालग बिशिष्ट स्वास्थ्य सेवा दिन सकिरहेको छ ?

अर्कोतर्फ देशको मुख्य करदाता वर्ग सर्वसाधारणलाई भने आफ्नो स्वास्थ्यको ख्याल आँफै गर्न भनेर सरकारले हात उठाएको छ । स्वास्थ्य तथा जनसंख्या मन्त्रालयका सह प्रवक्ताले शुक्रवार बिज्ञप्ती जारी गर्दै ‘अस्पातलहरु भरिएका कारण अस्पातलमा हुने उपचार सहज नहुन सक्छ । त्यसैले यो महामारी बाट बाँच्नका लागि सावधानी अपनाउन’ अनुरोध गरेका छन् । त्यस्तै, काठमाडौं जिल्ला प्रशासनले थप बेडको ब्यवस्थापन, अक्सिजन जडित कम्तिमा एक हजार बेडको आइसोलेशन संचालनमा ल्याउने लगायतका काम तुरुन्त गर्न सरकारसँग आग्रह गरेको छ ।

शनिबार सार्वजनिक भएको सरकारी तथ्याकअनुसार, अहिलेसम्म ३ हजार २ सय ९८ नेपालीले कोरोनाकै कारण ज्यान गुमाइसकेका छन् । संक्रिमतको कुल संख्या ३ लाख २९ हजार पुगेको छ भने अहिलेको संक्रमण दर ३१ प्रतिशतभन्दा माथि रहेको छ । स्थिती कस्तो भैसकेको छ भने सरकारको स्वास्थ्य मन्त्रालयले निकालेको सूचनामा ‘दिनानुदिन बृद्धि हुँदै गैरहेको मृत्युदरलाई मध्यनजर गरी मृतकको व्यवस्थापन गर्ने-जलाउने स्थानको ब्यबस्थाका लागि पनि पशुपति क्षेत्र विकास कोशलाई अनुरोध गरिएको’ अवस्था छ । शनिबार मात्रै पनि पशुपति क्षेत्रको बिद्युतीय शवदाह गृह र नियमित शवदाह गृह गरेर ५० भन्दा बढी शवहरु अन्तिम संस्कारको पर्खाइमा रहेका थिए । यो बाहेक जिल्ला र भित्री गाउँको महामारी संकट र मृत्युको हिसाब कहींकतै जोडिएको छैन ।

विश्वमा कोरोनाको संक्रमण सुरु भएको डेढ वर्ष पुगिसकेको छ । यो अवधिमा अमेरिका, बेलायत, इटली, फ्रान्स, ब्राजिल, स्पेन सहित भारत जस्ता मुलुकले लाखौंंको संख्यामा आफ्ना नागरिक गुमाइसकेका छन् । अती विकशित भनिएका यस्ता मुलुकमा कोरोना संक्रमणकै कारण मान्छेहरुको मर्ने क्रम अझै जारी छ । यसको तुलनामा नेपाल भाग्यमानी थियो । यो डेढ वर्षमा यदी सरकारले चाहेको भए अहिले थप्नका लागि आग्रह गरिएका अस्पातलमा आइसीयु कक्ष विस्तार, अक्सिजन जडित हजारौं बेड भएका आइसोलेशन सेन्टर र अक्सिजनको ब्यवस्थापना जस्ता कामहरु आरामसँग गर्न सकिन्थ्यो । तर त्यस्तो भएन ।

कोरोनाको यही महामारिका बिचमा स्रकार अथवा भनौं प्रधानमन्त्री केपी ओलीले मध्यावधी घोषणा गरे । दलिय तथा ब्यक्तिगत स्वार्थ अनुकुल हुनेगरी पटक पटक अध्यादेशहरु आए । दल नै टुक्रियो । राष्ट्रको सम्पूर्ण ध्यान प्रधानमन्त्री केपी ओलीको नालायकिमा केन्द्रित भयो । देशका कुनै पनि निकायले महामारीको सम्भावित परिणाम तर्फ सोच्नै पाएनन् । यो डेढ वर्षमा राजनीति यसरी धमिलो पारियो कि कोरोनाको कुरै छोडौं सामान्य झाडापखालालाई समेत नियन्त्रण गर्न सक्ने हुती सरकारसँग छैन । बेसार पानी र अबाका पातको रस खाएर कोरोना निको हुन्थ्यो भने तेस्रो विश्वले खरबौं खरब डलर यसको रोकथाममा खर्च गर्ने थिएनन् । यो परिणामको चेतावनी सम्बन्धित निकायले दिएकै हो । विश्व स्वास्थ्य संगठनले पटक पटक भनेकै हो । तर पनि सामान्य पूर्व तयारी नहुनु लाजमर्दो अवस्था हो ।

युरोप अमेरिका जस्ता विकशित भनिएका मुलुकहरुमा कोरोना यस्तो गतिमा फैलियो कि उनिहरुले कुनै तयारी गर्नै पाएनन । कालो बादलले आकाश छोपे जसरी एक्कासी छोपिए यि देशहरु । तर नेपालका लागि आधारभूत रुपमा तयारिको प्रशस्त समय थियो । केपी ओली प्रधानमन्त्रिको रुपमा कुनै हालतमा क्षम्य हुने छैनन् । कोरोनाका कारण मृत्‍यु भएका हरेक जिन्दगीको जिम्मेवारि एक्लो केपी ओलीले लिनु पर्छ । उचित उपचार नपाएर नागरिकको म्रित्यु हुनु भनेको सरकारका तर्फबाट गरिएको हत्यानै हो । त्यसैले यसको दोष केपीलाई जान्छ । यो सरकारले त्यो हत्याको जिम्म्वारी लिनुपर्छ । आर्यघाटमा लास जलाउन घण्टौं पर्खिनुपर्ने अवस्थाको सृजना मात्र केपी ओलीका कारणले भएको हो । प्रधानमन्त्रिको रुपमा ओली अपराधी प्रधानमन्त्री हुन् ।