बेलायतमा कोरोनाको तेस्रो लहर आउनसक्ने स्वास्थ्यकर्मीहरुको चेतावनी
बेलायत सरकारले आगामी जुन २१ मा कोरोना भाईरस बिरुद्दको लकडाउन पूर्णरुपमा फुकाउने तयारि गरिरहेका बेला चिकित्शकहरुले कोरोना भाइरसको तेस्रो लहर आउनसक्ने चेतावनी दिएका छन् ।
बेलायतले जुन २१ मा हाल बाँकि रहेका अन्तिम प्रतिबन्ध हटाउनेतयारी गरिरहेको छ । तर डाक्टरहरू र वैज्ञानिक समुदायका सदस्यहरू कोविड संक्रमणका घटनामा थप वृद्धि देखेर चिन्तित छन् । उनीहरुको चिन्ता निश्चित रूपमा डेल्टा संस्करण (इन्डियन भेरियन्ट) को प्रसारसँग जोडिएको छ ।
कोरोना भाइरस संक्रमणको पछिल्लो नतिजा बेलायतको तातो र चिसो दुबै छ । मंगलबार जून १ मा बेलायतले सकारात्मक समाचार प्रशारण गर्यो । त्यसदिनको २४ घण्टामा कोरोना संक्रमणबाट एक जनाको पनि मृत्यु नभएको भनियो । यो सन् २०२० जुनाई ३० पछिको पहिलो घटना थियो ।
यद्यपि तेस्रो तरंगको आगमनको बारेमा चिन्तित वैज्ञानिक समुदाय भित्र भने धेरै आवाजहरू उठाइयो । मध्य मेदेखि संक्रमितहरूको संख्यामा उल्लेख्य वृद्धि भएको छ । शुक्रवार जून ४ का दिन स्वास्थ्य अधिकारीहरूले गत २४ घण्टामा कोविड १९ बाट संक्रमितको संख्या ६,२३८ पुष्टि भएका घटनाहरूको गन्ती गरे । तर एक महिना अघि १,९४६ मात्रै थियो ।
अस्पताल भर्ना हुनेहरूको प्रवृत्ति पनि बढेको जस्तो देखिन्छ । मे ३१ मा १२३ जना अस्पताल भर्ना भएका थिए । तर मे १५ मा त्यो संख्या ९० मात्रै थियो ।
कारण के थियो भने डेल्टा भनेर चिनिने भारतीय संस्करणको प्रसार बढ्यो । यो पहिलो पटक म्यान्चेस्टरको नजिकै पत्ता लागेको थियो विशेष गरी डार्वेन र ब्ल्याकबर्न शहरहरूमा । यो चाँडै सम्पूर्ण देशभरि फैलिएर प्रभावशाली देखापर्यो । नयाँ संक्रमणको तीन चौथाई हिस्सा यसैले लियो । संयुक्त राज्य बेलायतमा महामारीको विकासको अनुगमन गर्ने वेलकम सेन्जर संस्थाका अनुसार यसैले केही क्षेत्रहरूमा कोभिड १९ को सबै घटना ओगट्यो ।
फ्रान्सको रेन शिक्षण अस्पतालमा संक्रामक रोग विशेषज्ञ पियर तात्तेभाँ बताउँछन् “ब्रिटिश रूप भन्दा भारतीय स्वरुपको कोरोना भाइरस बढी संक्रामकजन्य छ । यो कोरोना भाइरसको शुरुवातमा फैलिँदा जति तनावपूर्ण थियो त्यो भन्दा कयौं बढि तनावपूर्ण भारतीय स्वरुपको फैलिंदा देखापर्यो” । अहिले बेलायतले २१ जुनमा अन्तिम स्वास्थ्य प्रतिबन्ध हटाउनको लागि तयारी गर्दै छ ।
उनका अनुसार तत्कालकालागि बेलायतको अवस्था संक्रमणका द्रिष्टिकोणले चिन्ताजनक छैन । संक्रमणको अवस्था बेलायतमा न्युननै छ । जनवरी महिनामा दिनकै ६० हजारसम्म संक्रमित भएको रेकर्ड थियो ।
न्यूक्यासल युनिभर्सिटी, युकेमा सार्वजनिक स्वास्थ्य चिकित्सक एलिसन पोलकद्वारा साझा गरिए अनुसार अस्पतालमा पनि अवस्था सन्तोषजनक छ। र मृत्युको संख्या एकदम कम छ । जबकि स्वास्थ्य संक्रट घोषणा गरिएको बेला प्रत्येक दिन ४५०० विरामी भर्ना हुन्थे । अहिले म्रितकको अनुपातपनि घटेको छ । अस्पताल भर्ना हुनेकोपनि उसैगरि घटेको छ ।
तर केहि डाक्टरहरुले भने अहिले संक्रमण बढेको र त्यसले खतराको सूचना दिएको बताउँछन् । “सबै छालहरु कम संख्याबाट शुरु हुन्छन्” बिबीसीले साक्षात्कार गरेको अक्स्फोर्ड युनिभर्सिटीका एक वैज्ञानिक सुनेत गुप्ताले फ्रँस २४ न्युजसित भनिन् “हो संक्रमितको संख्या कमै हो । तर अहिलेको संकेतले हामीले के देखिरहेका छौं भने यो तेस्रो छालको संकेत दिईरहेको छ ।”
ट्विटरमा महामारीविद दीपासी गार्डासानीले भनेकि छन् “यो प्रजनन दर भनेको के हो भने एक व्यक्तिले औसतमा संक्रमण हुने ब्यक्तिसित लिने व्यक्तिको संख्या औसतमा १ भन्दा बढी छ ” भन्ने हो । त्यो संक्रमण निर्दयी, खतरनाक हुन्छ । “केसहरू हाल सेप्टेम्बरको बीचमा उस्तै स्तरमा छन् र ती ४ हप्तामा लगभग तीन गुणा बढेको छ” उनी भन्छिन् “प्रजनन दर हाल मुलुकमा १ दशमलव १६ छ । यदि डेल्टा भ्यारीएन्ट वास्तवमै बढी प्रसारणयोग्य छ भने भाइरस फैलिने दरको गतिले तिब्रता लिन सक्छ ।”
र यो भेरियन्ट पहिलेका भेरियन्टहरू भन्दा बढी संक्रामक छन् । डेल्टा भेरियन्टको आक्रमण गर्ने दर १३ दशमलव ५ प्रतिशत छ भने बेलायती भेरियन्टको ८ दशमलव १ थियो । यसको इन्फेक्सन दरपनि उच्च छ । यसले अरु भाईरससित सम्पर्क हुनासाथ आक्रमण दर ६७ प्रतिशत हुन्छ । आक्रमणको गति बढ्छ ।
सुनित गुप्ता र दीप्सी गार्डासानीले जस्तै अन्य धेरैले आवाज उठाउँदै छन सरकारले जून २१ मा पूर्ण रुपमा हटाउने भनेको लकडाउनबिरुद्द । उनीहरुले अनुसन्धानको अन्तिम चरणलाई राम्रोसित हेरेर त्यो निर्णय स्थगित गर्न आग्रह गरेका छन् ।
स्कटल्याण्डले लकडाउन पूर्ण हटाउने निर्णय फिर्ता लियो । जुन १ का दिन प्रधानमन्त्री निकोला स्टर्जनले यस्तो घोषणा गरेका हुन् । विशेष गरी राजधानी एडिनबर्गमा देशका धेरैजसो स्वास्थ्य प्रतिबन्धहरू कायम राख्ने उनले घोषणा गरे । बेलायतका प्रधानमन्त्री बोरिस जोनसनले जुन १४ मा लकडाउन पूर्ण हटाउनु अघि बैज्ञानिक रिपोर्ट र अवस्थालाई हेर्ने अपेक्षा गरिएको छ
(नेपालप्लसको साथमा फ्रंस २४ न्युज र ए एफपी)
