अफगानिस्तानबाट उद्दार गरिएका मध्ये एक तालिबानलाई फ्रान्समा जेल सजाय

अफगानिस्तानमा तालिबानहरुको खतरामा रहेका भन्दै फ्रान्सले उद्दार गरेका मध्ये परिचय लुकाएर फ्रान्स छिरेका अहमत एम नामका तालिबानलाई फ्रान्सको अदालतले जेल सजाय तोकेको छ ।

फ्रान्सको अदालतले अफगानिस्तानको काबुलबाट निकालीएको केही दिनपछि ति ब्यक्तिलाई दोषी ठहर गरेको हो ।

फ्रान्सेली सुरक्षाको आदर नगरेको भन्दै ति अफगान नागरिकलाई १० महिनाको जेल सजाय सुनाएको छ । तिमाथि निगरानी आदेशको उल्लंघन गरेको आरोप लागेको छ । अधिकारीहरुले उनी तालिबान भएको यथार्थता लुकाएको बताएका छन् ।

अहमद एम पाँच व्यक्तिहरु मध्ये एक हुन् जो तालिबानसँग सम्भावित सम्बन्ध हुनसक्ने देखिएको भन्दै एक अनुसन्धानको लागि फ्रान्समा उनको आगमन पछि निगरानीमा राखिएको थियो ।

एक अर्को व्यक्तिले खतरामा परेका नागरिक र अफगानहरुलाई बाहिर निकाल्न फ्रान्सलाई मद्दत गरेतापनि तालिबानको लागी काम गरेको शंका गरिएको छ । अहमद एम (फ्रान्सलाई सहयोग गर्ने ब्यक्ति) र नीसँग नजिकका अन्य चार जनालाई यस हप्ताको शुरुमा निगरानीमा राखिएको थियो ।

निगरानी आदेशमा यताउति जान वा कतै आवतजावतका लागि कडा सिमा तोकिएको छ । तर सप्ताहन्तमा आइपुग्दा उनले ति सिमा तोडेको, फ्रान्सेली सुरक्षा संयन्त्रबारे निगरानी गरेकोमा दोषी ठान्दै अदालत पेश गरिएको थियो । अदालतले सिमा क्षेत्र बाहिर गएको भन्दै दोषी ठहर्‍याएको हो ।

अहमद एमले आफूले कानूनको अध्ययन शुरू गर्नु अघि अफगानिस्तानमा एक अभियोजक रहेको बताएका छन् । पेरिसको न्वाजी ले ग्रँ को उपनगर नछोड्न उनलाई आदेश दिइएको थियो जहाँ उनी आफ्नी पत्नी, सानी छोरी र परिवारका अन्य केहि सदस्यहरुसँग बस्दै थिए ।

फ्रान्सले उद्दार गरेका सयौं मध्ये तालिबानका सदस्य हुनसक्ने भन्दै फ्रान्समा बिवाद चर्किएको छ । सन् २०२२ मा राष्ट्रपतीय निर्वाचन हुँदै छ र त्यसमा आप्रवाशी विषय चर्किँदै गएको छ ।

दक्षिणपन्थी पार्टीहरुले राष्ट्रपती एमानुयल माख्रोंको सरकारमाथि उचित ढंगले सुरक्षा जाँच गर्न नसकेको आरोप लगाएका छन् । वामपन्थी र नरमपन्थी पार्टीहरुले सीमित संख्यामा मात्र फ्रान्समा प्रवेश गराएर साधारण अफगानहरुलाई हतोत्साहित पारेको आरोप लगाएका छन् ।

आप्रवाशीहरुबारे निकै कठोर, अति दक्षिणपन्थी धारकि भनेर चिनिने मारिन ल पेनले राष्ट्रपतीले फ्रान्सेली सुरक्षालाई पहिलो प्राथमिकता नदिएको आरोप लगाएकि छन् । अर्को दक्षिण पार्टीका तर्फबाट आगामी राष्ट्रपतीय निर्वाचनमा उमेदवारी घोषणा गरेका जाभिय बेर्थंले पाँच अफगानहरुलाई किन तत्कालै देश निकाला नगरेको भन्दै प्रश्न गरेका छन् ।