बिहीबार, असोज ७, २०७८

तालिवानद्वारा माहिला कर्मचारीलाई काममा फर्कन आग्रह, आफ्ना नागरिकलाई तत्काल देश बाहिर जान नदिने संकेत

नेपालप्लस संवाददाता २०७८ भदौ १२ गते २१:५७

तालिबानका प्रवक्ता सुहाइल शाहीन । फोटो स्रोत-शाहीनको ट्विटर।

अफगानिस्तानको सरकारलाई पतन गराएर शक्तिमा आएका इस्लामी कट्टरवादी तालिबानहरुले महिलाहरुलाई आफ्नो पेशा, रोजगारीमा फर्किन आग्रह गरेका छन् ।

तालिबान वार्ता टोलीको सदस्य र अन्तर्राष्ट्रिय मेडियाको लागि राजनीतिक कार्यालयका प्रवक्ता मोहम्मद सहिल शाहिनले दुबै प्रान्त र राजधानीमा सार्वजनिक स्वास्थ्य मन्त्रालयको सबै महिला कर्मचारीहरुलाई नियमित ढंगबाट आफ्नो जागिर सुचारु गर्न सूचित गरेको जनाएका हुन् ।

शाहिनले आफ्नो ट्विटरमा उल्लेख गरेका छन् “दुबै प्रान्त र राजधानीमा सार्वजनिक स्वास्थ्य मन्त्रालयको सबै महिला कर्मचारीहरुलाई नियमित ढंगबाट आफ्नो जागिर सुचारु गर्न सूचित गरिन्छ । इस्लामिक इमिरेट्सलाई उनीहरुले आफ्नो जागिर सुचारु गर्न कुनै समस्या छैन ।”

त्यस्तै, तालिबानहरुले आफ्ना नागरिकहरुलाई भने देश बाहिर सहजै जान नदिने संकेत गरेका छन् । विदेश जान चाहने अफगानहरुलाई नरोक्ने तर तिनले अफगानिस्तानमा वाणिज्य उडानहरु शुरु भएपछि मात्रै बाहिरिन पाउने तालिबान प्रवक्ता मोहम्मद सहिल शाहिनले सार्वजनिक गरेका छन् ।

तालिबान वार्ता टोलीको सदस्य र अन्तर्राष्ट्रिय मेडियाको लागि राजनीतिक कार्यालयका प्रवक्ता शाहिनले आफ्नो ट्विटरमा भनेका छन् “देशमा वाणिज्यिक उडानहरु सुचारु भएपछि उनीहरु पासपोर्ट, भिसा जस्ता कानुनी कागजात लिएर सम्मानजनक ढंगले बाहिर जानसक्छ ।”

तपाइँको प्रतिक्रिया

फेसबुक