मार्केलको पार्टीलाई पत्याएनन् जनताले, जर्मनीमा मिलिजुली सरकारको कसरत

आइतबारको आम चुनावमा चान्सलर एन्जेला मर्केलको क्रिश्चियन डेमोक्रेटिक युनियन (सीडीयू) लाई पराजित गरेपछि जर्मनीको सामाजिक डेमोक्र्याट (एसपीडी) का सदस्यहरुले मिलिजुली सरकार बनाउन वार्ता शुरु गरेका छन् । गठबन्धन सरकार बनाउने बारे उनीहरु यस साता ग्रिन र लिबरल फ्री डेमोक्र्याट (एफडीपी) सँग वार्ता शुरू गर्न लागेका हुन् । सत्ता गठबन्धनकालागि दुई साना दलहरुले पहिलेनै एक अर्कासँग वार्ता शुरु गरिसकेका थिए । दुबै पक्षले आफ्ना शर्त स्थापित गराउन कडा वार्ता गरिरहेका छन् ।

चान्सलर बन्नका लागि जर्मनीका दुई ठूला पार्टीहरु एसपिडी र सिडियुबाटबाट एक एक जना उम्मेदवार थिए । एसपिडीबाट ओलाफ स्कोल्ज र सिडियुबाट अर्मिन लासेट । अब जर्मनीको राजनितिक आकर्षणमा ति दुबै केन्द्रमा नरहेको जर्मन मेडियाहरुको भनाई छ ।

त्यो राजनितिक परिद्रिष्य बदलिएर अब केन्द्रमा एफडिपी पार्टीका नेता क्रिस्चियन लिन्डनेर एकातिर छन् भने अर्कोतिर ग्रिन पार्टीका नेता आन्नालेना बायरबोक र रोबर्ट हाबेक छन् । यि तिनै जनालाई सिडियु र एसपिडीले मात्रै सरकार बनाउन सक्दैनन् भन्ने स्पष्ठ छ । ठूला दुई पार्टीलाई यि साना पार्टीको समर्थन आवस्यक छ ।

सीडीयू वा एसपीडीसँग कुनै वार्ता गर्नुभन्दा पहिले यि साना दुई पार्टीले सोमबार वार्ता गरिसकेका छन् । “यो जर्मन इतिहासमा पहिलो र देशको राजनीतिक परम्पराहरुसँग एक ठूलो ब्रेक लागेको संकेत हो” मुन्स्टर विश्वविद्यालयमा राजनीतिक विज्ञानका एक प्राध्यापक क्लाउस शुबर्टले बताएका छन् ।

“पहिले, निर्वाचन हुँदा सधैं माथिल्लो तहमा आउने गरेको एसपिडी पार्टी मतदानपछि सधैं गठबन्धन सरकार बनाउने वार्ताको एजेन्डा तय गर्दछ । र जर्मनहरु सामान्यतया यस प्रकारको राजनीतिक परम्परामा धेरै उत्सुक छन्” उनको थप भनाई छ ।

ग्रिन पार्टी र एफडिपी पार्टीले एक अर्कामा पहिले वार्ता गर्नु भनेको निकै चतुर चाल हो । किनभने यि दुई पार्टीले एकअर्काबिच राम्रो सम्बन्ध स्थापित गर्न सके भने उनीहरुले एसपिडी र सिडियुसित कडा शर्तसहित वार्तालाप गर्न सक्छन् । आफ्ना एजेण्डाहरु, नितिहरु स्थापित गराउन बढि मोलमोलाई गर्न सक्छन् ।

कसको कति सिट