चुनाव हारेपछि चेक रिपब्लिकका राष्ट्रपती सघन उपचार कक्षमा भर्ना

चेक रिपब्लिकको संसदीय निर्वाचनमा आफ्नो पार्टीले हार खाएपछि अकस्मात बिरामी परेका चेक रिप्ब्लिकका राष्ट्रपती मिलोस जेमानलाई अस्पतालको सघन उपचार कक्षमा भर्ना गरिएको छ ।

संसदिय चुनावमा उनको पार्टीले हार खाएपछि नयाँ सरकारको गठनबारे राजनितिक वार्ताको नेतृत्वबारे अनिश्चितता पैदा भएको छ । उनलाई सैनिक अस्पतालमा भर्ना गरिएको हो ।

चेक रिपब्लिकको राजधानी प्रागको सेन्ट्रल मिलिटरी अस्पतालका निर्देशक मिरोस्लाभ जाभोरलले ७७ वर्षीय जेमानलाई पुरानै तर अज्ञात रोगका कारण भर्ना गरिएको बताएका छन् । तर बाहिर मेडियाहरुले भने निर्वाचनमा हार खाएपछि अकस्मात असोचनिय अवस्था ब्यहोर्नुपरेकाले उनी बिरामी परेको उल्लेख गरेका छन् ।

“हामीलाई के भएको हो भन्ने ठ्याक्कै थाहा छ जसले हामीलाई उपचार लक्षित गर्न अनुमति दिएको छ” जाभोरलले मेडियाहरुलाई भने । के रोग लागेर सघन उपचार कक्षमा भर्ना गरिएको हो भनेर खुलाउन राष्ट्रपतीको अनुमति नभएको अस्पतालका चिकित्शकहरुले बताएका छन् ।

सघन उपचार कक्षमा भर्ना गरिएका राष्ट्र्पतीको अवस्था कति गम्भिर छ भन्नेपनि चिकित्शकहरुले बताएका छैनन् ।

चेक रिपब्लिकमा राष्ट्रपतिले चुनावपछि पार्टीका नेताहरुसंग कुराकानीको नेत्रित्व गर्छन् । संविधानअनुसार प्रधानमन्त्री नियुक्त गर्ने उनको अधिकार हो । यदि राष्ट्रपति पद रिक्त भएमा तल्लो सदनको सभामुखलाई दिइन्छ ।

राष्ट्रपती जेमानले प्रधानमन्त्री एन्ड्रेज बाबिसलाई भेटेपछि राष्ट्रपती भवनको नजिकैबाट रिपोर्टरहरूले एम्बुलेन्स देखेपछि राष्ट्रपतीलाई अस्पताल लगिएको पत्तो पाएका थिए ।

राष्ट्रपति कार्यालयले जेमान बिरामी भएको पहिलेपनि उल्लेख गरेको थियो । उनले गत महिना आठ दिन अस्पतालमा बिताएका थिए । राष्ट्रपति कार्यालयले उनी गम्भिर नरहेको तर अलिकति थकित रहेको बताएको थियो।

बाबिसको केन्द्रीकृत एएनओ पार्टी शुक्रवार र शनिबार भएको संसदीय चुनावमा सेन्ट्रल राइट टुगेदर गठबन्धनसँग पराजित भएको थियो । बाबिसको पार्टीले बहुमतको सरकार बनाउने सम्भावना गुमाएको थियो ।