एनआरएनएमा तीन दर्जन भन्दा बढीको उमेदवारी, आचार्य पक्षका शुन्य

गैरआवासीय नेपाली संघ (एनआरएनए) को आगामी निर्वाचनका लागि तीन दर्जनभन्दा बढी उम्मेदवारले मनोनयन दर्ता गराएपनि कुल आचार्य पक्षका भने एक जनालेपनि दर्ता गराएका छैनन् ।

एनआरएनएलाई एक ढिक्का राख्न कुल आचार्य र शेष घले पक्षसहित सहमति गराएर सहमतिमै निर्वाचन गराउने भन्दै मनोनयनको समय तीन दिन बढाएर शुक्रवारसम्म पुर्‍याइएको छ ।

कुल आचार्य पक्षसित वार्ता गरेर सहमति जुटाउन भन्दै मध्यमार्गी भूमिका खेल्दै आएका महेश श्रेष्ठ बुधववारनै काठमाडौं पुग्ने कार्यक्रम तय भएको थियो । अध्यक्ष कुमार पन्तपनि अन्तिम वार्ताकालागि अकस्मात काठमाडौं जाने तरखरमा थिए ।

एनआरएनए निर्वाचनकालागि अन्तिम वार्ताकोलागि तयारी भैरहेकाले उम्मेदवारी दर्ताकालागि केहि उच्चस्तरिय पदका संभावित उम्मेदवारेहरुले मंगलवारसम्म उम्मेदवारी दर्ता गराएका थिएनन् ।

अन्तिमा वार्त अभएर सहमति भैहाल्छ कि भनेर कुर्नेहरुमा डा. बद्रि केसी, गौरीराज जोशी, महेश श्रेष्ठ, डा. हेमराज शर्मा लगायत थिए ।

तर रबीना थापाले भने अध्यक्ष पदमा मंगलवारनै उम्मेदवारी दर्ता गराएकि थिईन् । आज बुधवार अध्यक्ष पदमै डा. बद्रि केसीले अध्यक्ष पदमा र डा. हेमराज शर्माले उपाध्यक्ष पदमा उम्मेदवारी दर्ता गराएका छन् । बद्रि केसी र शर्माले उम्मेदवारी दर्ता गराएपछि सहमति नभन्ने स्थितिले हो कि भन्ने आँकलनसमेत गरिएको छ ।

हालसम्म परेको उम्मेदवारीमा कुल आचार्य पक्षको कोहिपनि सम्पग्न छैन । यसले अझैपनि एनआरएनएमा अन्तिम सहमति नभएको बुझिएको छ । तर नेपालप्लस स्रोतका अनुसार भोली बिहिवार काठमाडौंमा उपलब्ध उच्च पदका आकांक्षीका साथै जीवा लामिछाने, डा. उपेन्द्र महतो, कुमार पन्त, महेश श्रेष्ठ, कुल आचार्य, रबीना थापाबिचमा अन्तिम वार्ता गर्ने तयारि भैरहेको छ ।