‘पश्चिमी सहयोगीहरूले भ्लादिमिर पुटिनको हत्या गर्न अस्वीकार गर्नु हुँदैन’ पूर्व बेलायती सेना प्रमुख

बेलायती एक पूर्व सेना प्रमुखले पश्चिमी सहयोगीहरूले भ्लादिमिर पुटिनको हत्यालाई अस्वीकार गर्न नहुने सन्सनीपूर्ण भनाई शनिवार एक बेलायती अखवार मार्फत् सार्वजनिक गरेका छन् ।

अफगानिस्तानमा बेलायती सेनाको नेतृत्व गर्ने कर्णेल रिचार्ड केम्पले शनिवार बेलायतको अखवार डेली मिररलाई भने: “नाटोले उहाँलाई सत्ताबाट हटाउन सबै विकल्पहरू विचार गर्नुपर्छ । यो व्यवहारिक वा वान्छनीय नहुने भएता पनि उनको ज्यानसम्म लिनुपर्छ । ”

रुसी राष्ट्रपतिले कम्तिमा युद्ध अपराधको आरोपको सामना गर्नुपर्ने उनको भनाइ छ ।

उनको भनाई उल्लेख गर्दै डेली मिररले लेखेको छ “सबैभन्दा राम्रो कुरा भनेको पुटिनलाई रुस वा अन्तर्राष्ट्रिय फौजदारी अदालतमा अपदस्थ, गिरफ्तार र मुद्दा चलाएको हेर्न पाउनु हो ।”

“तर ती विकल्पहरू कहिल्यै सम्भव हुने छैन।”

सेवानिवृत्त सैनिक प्रमुखले डेली मिररसित भने “हत्या धेरै मानिसहरूलाई अस्वीकार्य हुन सक्छ । तर यो युद्ध अन्त्य गर्न र भविष्यमा द्वन्द्व रोक्नको लागि एक मात्र उपाय हुन सक्छ ।”

उनले थपे: “यदि यो हत्यामा बदलियो भने धेरैलाई मन नपर्ने हुनसक्छ । तर उनको जीवनको मूल्य उनले पहिले नै युक्रेन र अन्य ठाउँमा मारेका हजारौंको जीवन भन्दा ठूलो छैन र भविष्यमा पनि मार्न सक्छन् ।”

“उनी रूसी सेनाका ‘सर्वोच्च कमाण्डर इन चीफ’ हुन् जसले आक्रमणको अवैध युद्धको आदेश दिए र उनी एक वैधरुपमै लक्षित हुन् ।

“हाम्रो सरकारले दोस्रो विश्वयुद्धमा एडोल्फ हिटलरको हत्या गर्ने योजना बनाएको थियो । सन् १९३० को दशकको उत्तरार्धमा उनलाई सन्तुष्ट पार्नुको सट्टा हटाइएको भए हामीले ७ करोड मानिसको ज्यान लिने द्वन्द्व भोग्ने थिएनौं ।”

“ओसामा बिन लादेन, इस्लामिक स्टेट प्रमुख अबु बकर अल बगदादी र इरानी रिपब्लिकन गार्ड कमाण्डर कासिम सुलेमानी सबैले पश्चिमका लागि प्रत्यक्ष धम्कीको प्रतिनिधित्व गरे । ती सबै धम्कीहरूको सामना गर्दा मारिएका थिए । पुटिनले स्थायी र घातक खतराको प्रतिनिधित्व गर्छन् जुन उनी शक्तिमा रहँदा जारि राख्ने छन् ।”

“हाम्रो प्राथमिकता उनलाई हटाउन मद्दत गर्नुपर्छ । यदि पुटिनका कुलीन वर्गहरूमा पर्याप्त दबाब ल्याइयो भने यसले दरबार विद्रोह निम्त्याउन सक्छ ।”

बेलायती पूर्व सैनिक प्रमुखको यो भनाईपछि बेलायत सरकार, युरोपेली युनियन, नाटो र रुसी सरकारका तर्फबाटपनि आधिकारिक भनाई सार्वजनिक भैसकेको छैन । तर यसले गम्भिर प्रतिक्रिया दिने आँकलन भने गर्न सकिन्छ ।

(समाचार स्रोत -द डेली मिरर)