हिथ्रो एयरपोर्टमा धेरै लाम लाग्नुको कारण महिलाको मेकअप
बेलायतको अत्यन्त ब्यस्त हिथ्रो विमानस्थलमा यात्रुहरुले लामो समय लाम लाग्न परेको गुनासो आइरहेका बेला विमानस्थलका हामिकले भने महिलाहरुको मेक अपलाई दोष लगाएका छन् ।
“हिथ्रोमा डरलाग्दो ढिलाइ आंशिक रूपमा हुनुमा महिला यात्रुहरूले धेरै समय मेकअप गरेर बिताउने र लाम अगाडि बढेन भन्ने बहाना पार्दै बसिदिनाले भएको हो” एयरपोर्टका हाकिमले दावी गरेका छन् ।
हालैका महिनाहरूमा हिथ्रो विमानस्थलमा यात्रुहरूले घुमाउरो लामहरू झेल्नुपरेको छ । त्यसैगरि अन्तिम-मिनेटमा विमान रद्द र सामान हराएर हैरानी झेल्नुपरेको छ ।
अराजकता रोक्न एयरपोर्टले भर्खरै दैनिक एक लाख आगन्तुकहरूको कोटा पेश गरेको छ । एयरलाइन्सहरूलाई अगस्ट महिनाको उडानहरूको लागि नयाँ टिकटहरू बेच्न बन्द गर्न भनेको छ ।
यद्यपि हिथ्रोका प्रमुख कार्यकारी जोन हल्यान्ड-केले गर्मीको छुट्टी राम्रोसित सुरु भएको बताएका छन् ।
“उनीहरूले धेरै झोलाहरू लिएका छन् र उनीहरूको झोलामा थप तरल पदार्थहरू छन् जसले गर्दा एयरपोर्टमा जाँच्न समय अलि बढी लाग्छ” उनले भने ।
“धेरै मानिसहरूलाई उनीहरूको सबै मेकअपका सामान जाँच गर्नकोलागि रोकिएको छ । किनभने ति सामानहरु झोलामा सँगै लैजान्छन् कि भनेर विमानस्थलका कर्मचारीहरु चिन्तित छन्” उनले भनेका छन् ।
उनको भनाईमा मानिसहरूले मेकअपलाई यात्राको बेला आवश्यक छैन, मेक अपका सामान लान हुन्न, पाइन्न भनेर नसोच्ने हुँदा विमानस्थलमा तिनलाई धेरै बेर अर्थ्याउँदा, जाँच गर्दा र सिकाउँदा समय धेरै लाग्ने गरेको हो ।
मेकअप गर्ने महिलाहरूनै हुने भएकाले उनको टिप्पणी महिला यात्रुहरूलाई लक्षित गरेको मानिएको हो ।
