बिहीबार, असोज २०, २०७९

युरोप आउने रुसी ग्यास फेरि तीन दिन बन्द

नेपाल प्लस२०७९ भदौ ४ गते ११:३७

उर्जा संकट भोगिरहेको युरोपलाई रुसले तीन दिन पूर्ण रुपमा ग्यास रोक्का गरेर अर्को झट्का दिने भएको छ ।

रुसको प्रमुख ग्यास आपूर्तिकर्ता गाजप्रोमले ग्यास आपूर्ति गरिने नर्ड स्ट्रिम पाइपलाईन मर्मत गर्नुपरेको भन्दै युरोप पठाउने गरिएको ग्यास तीन दिन पूर्णरुपमा रोका गर्नुपरेको सार्वजनिक गरेको हो ।

“अगस्ट ३१, २०२२ मा एक मात्र ट्रेन्ट ६० ग्यास कम्प्रेसन इकाई सेप्टेम्बर २ सम्म तीन दिनको लागि बन्द हुनेछ, सिमेन्स प्राविधिकहरू संलग्न भएर मर्मतका लागि” गाजप्रोमले एक विज्ञप्तिमा भन्यो ।

“नर्ड स्ट्रिम पाइपलाइन मार्फत ग्यासको ढुवानी तीन दिनको लागि निलम्बित हुनेछ । प्रत्येक १,००० घण्टा सञ्चालनमा आएपछि ग्यास पाईपलाईनको उपकरण मर्मत गर्न आवश्यक हुन्छ” गाजप्रोमले उल्लेख गरेको छ ।

यस अवधिको अन्त्यमा प्राविधिक खराबीहरू मर्मत भैसकेपछि ग्यास वितरण प्रति दिन तीन करोड ३० लाख घन मिटर ग्यास प्रवाहको दरले सुचारु हुनेपनि बिज्ञप्तीमा उल्लेख छ ।

युरोपमा आपूर्ति गर्दै आएको ग्यास कटौति गरेपछि रुसलाई पस्चिमी देशहरुले ऊर्जा ब्ल्याकमेल गरेको आरोप लगाएका छन् । युरोपभर ऊर्जा अभाव भैरहेका बेला रुसले तीन दिन ग्यास आपूर्ति पूर्णरुपमा कटौति गर्ने निर्णय सार्वजनिक भएको हो ।

पश्चिमी देशहरूले युक्रेन आक्रमणलाई लिएर रुसमाथि प्रतिबन्ध लगाएपछि रुसले बारम्बार युरोपलाई ग्यास आपूर्ति कटौती गरेको छ । युरोपेली मुलुकहरु रूसी ऊर्जामा धेरै निर्भर छन् ।

गत वर्षसम्म ईयूको ग्यास आयातको करिब ४० प्रतिशत रुसबाट भएको थियो।

हालैका हप्ताहरूमा रूसले क्यानाडामा मर्मत गरिएको सिमेन्स टर्बाइन फिर्ता गर्न असफल भएकोले यी कटौतीहरूलाई औचित्य साबित गरेको छ जुन मस्कोले नोर्ड स्ट्रिम १ पाइपलाइनको उचित कार्यका लागि आवश्यक रहेको दाबी गर्दै आएको छ।

युरोपेली देशहरूले रुसले यस टर्बाइनलाई फिर्ता गर्न ढिलाइ गरेको आरोप लगाएका छन् ताकि यसको डेलिभरीमा कमी आएको दाबी गर्न र यसरी उनीहरूलाई दबाब दिन सकियोस् ।

जुलाईमा १०-दिनको मर्मतसम्भार गर्ने भन्दै पाइपलाईन बन्दले पहिलेनै उर्जा संकट हुने भन्दै युरोपेली देशहरू बीच चिन्ता बढाएको थियो । उनीहरुले महिनौंदेखि आपूर्ति विविधीकरण गर्न प्रयास गरिरहेका छन् तर रुसी ग्यासमा अति भर परेकाले त्यो बिकल्प उति सहज देखिएको छैन ।

तपाइँको प्रतिक्रिया

फेसबुक