बिहीबार, असोज २०, २०७९

युद्धमा सैनिक ट्रक चलाउँथिन बेलायतकी महारानी

नेपालप्लस संवाददाता / बेलायत२०७९ भदौ २३ गते २२:००

रेडक्रसको तालिमका क्रममा राजकुमारी एलिजावेथ

राजा महाराजाहरुले धेरै खनजोत गरेको सार्वजनिक हुन्छ । गाइभैसीं, घोडा, भेडाबाक्रा मुसार्ने गर्छन् । गाडी हाँक्ने गर्छन् । तर त्यो सोख र जनतालाई देखाउनैकालागि हो । बेलायतकी महारानी एलिजाबेथ द्वितियले भने साँच्चिकै ट्रक हाँकिन् युद्दकालमा । आफ्नो देशको रक्षाकालागि । सामाजिक कामकालागि ।

दोस्रो बिश्वयुद्धताका जहाँपनि लडाइँ थियो । मारामार र झैझगडा हुन्थ्यो । जतापनि युद्ध । मान्छेहरु घाइते उत्तिकै हुन्थे । पुरुषहरु लडाइँमा थिए । महिलाहरुले झन पती बियोग र घाइतेको सुसार गर्नुपर्थ्यो । आफैंले सहनु पर्थ्यो । हो, त्यो बेला बेलायतकी महारानी (त्यो बेला राजकुमारी) आफैंले ट्रकसम्म चलाउने गर्थिन् । सैनिक ड्रेस लगाएर कहिलेकाहिँ आफैं ट्रक चलाएर हिँड्थिन् । उनी आफ्नो वास्तबिक भेष लुकाएर ट्रक चालक बन्थिन, सैनिक ट्रक ।

त्यो बेला महिला सैनिकको छुट्टै इकाई थियो बेलायतमा । सन् १९४२ को प्रारम्भमा उनी ‘ग्रेनेडियर गार्ड इन्फन्ट्री रेजिमेन्ट’ को कर्नेल-इन-चीफ नियुक्त भइन् । युद्धको अन्त्यमा उनी बेलायती सेनाको महिला शाखा सहायक क्षेत्रीय सेवामा सामेल भएकि थिईन् । त्यसमा रहेर युद्धकालमा बेलायतलाई सहयोग गरिन् ।

रेडक्रसको तालिमका क्रममा राजकुमारी एलिजावेथ

स्वयंसेवा गर्न जाँदै सैन्य गाडी चढेर

सैनिक ट्रक चलाउँदै एलिजावेथ

दोस्रो बिश्व युद्दका बेला अक्जुलरी टेरिटोरियल सर्भिस भनिने महिला सैनिकहरुको ईकाईमा सहकर्मीका साथ पछिल्लो लाइनको बिचमा एलिजावेथ । उनीहरु सैन्य तालिमका क्रममा थिए

(तस्विर स्रोत- एजिनमार्क डट कम, डिस्कोभरी डटकम, एपी र वासिङटन पोस्ट डट कम)

तपाइँको प्रतिक्रिया

फेसबुक