सोमबार, मंसिर १९, २०७९

विश्वमा सबैभन्दा बढी तापक्रम वृद्धि युरोप क्षेत्रमा : रिपोर्ट

नेपालप्लस संवाददाता / फ्रान्स२०७९ कार्तिक १६ गते २०:३३

संयुक्त राष्ट्रसंघको विश्व मौसम विज्ञान संगठन (डब्ल्यु एम ओ) र युरोपेली जलवायु परिवर्तन सेवा कोपर्निकसको नयाँ प्रतिवेदन अनुसार विश्वको अन्य क्षेत्रको तुलनामा युरोपेली महाद्वीपमा तीव्र गतिमा तापक्रम बढिरहेको छ ।

यो क्षेत्रमा विश्वव्यापी औसतको दोब्बरले तापक्रम बढिरहेको छ ।

युरोपमा तापमान १९९१-२०२१ को अवधिमा नाटकीय रूपमा बढेको छ । प्रति दशक लगभग प्लस शुन्य दशमलव ५ डिग्री सेल्सियसले तापक्रम बढेको छ ।

डब्ल्यूएमओका प्रवक्ता क्लेयर नुलिसका अनुसार आर्कटिक समग्रमा युरोप भन्दा छिटो तातो भइरहेको छ । तर संगठनले यसलाई आफ्नै अधिकारमा क्षेत्र मान्दैन।

युरोपमा द्रुत तापक्रम वृद्धिको परिणाम स्वरूप, अल्पाइन हिमनदीहरूले १९९७ र २०२१ को बीचमा औसतमा ३० मिटर मोटाई (मात्रा) गुमाएका छन् ।

डब्लुएमओका महासचिव पेटेरी तालासले युरोपले तापक्रम बढ्दै गएको ग्रहको ज्वलन्त चित्र प्रदान गरेको बताउँदै भनेका छन् “हामीलाई राम्रोसँग तयारी गरेका समाजहरू पनि चरम मौसमी घटनाहरूको नतिजाबाट प्रतिरक्षा गर्न सक्ने क्षमतामा छैनन् भनेर सम्झाउँछ ।”

डब्ल्यु एम ओका अनुसार मौसममा परेको उच्च प्रभाव र जलवायु बदलिका घटनाहरूले युरोपमा सयौंको ज्यान लियो । ५० लाख भन्दा बढी मानिसहरूलाई प्रत्यक्ष रूपमा असर गर्यो र ५० अर्ब भन्दा बढीको आर्थिक क्षति भयो । यी मध्ये लगभग ८४ प्रतिशत बाढी वा तूफान र हावाहुरीका कारणले भएको हो ।

इजिप्टको शर्म अल-शेखमा नोभेम्बर ६ देखि १८ सम्म चलिरहेको संयुक्त राष्ट्रसंघीय जलवायु सम्मेलन कोप २७ को उद्घाटन हुनु केही दिनअघि यो प्रतिवेदन सार्वजनिक गरिएको हो ।

तर अन्तर्राष्ट्रिय प्रतिबद्धताहरू गर्दागर्दै अहिलेसम्म पृथ्वीलाई शताब्दीको अन्त्यसम्ममा २ दशमलव ६ डिग्री सेल्सियसको तापक्रम बढाएर छोड्ने छ । वैज्ञानिकहरूले भने एकदशमलव ५ डिग्री सेल्सियसको सीमा तोकेका छन् ।

तर सबै समाचार खराब नभएको संगठनले उल्लेख गरेको छ । किनभने धेरै युरोपेली देशहरूले आफ्नो हरितगृह ग्यास उत्सर्जन घटाउन धेरै राम्रो प्रयास गरिरहेको औंल्याएको छ ।

तपाइँको प्रतिक्रिया