नेपालप्लसको खुलासापछि अमेरिकी हिमचितुवा फोटोग्राफर गायब

नेपालको सगरमाथा क्षेत्रमा दूर्लभ हिउँ चितुवाको फोटो खिचेको नाममा प्रशंसा कमाएकि किटीया पावलोवस्की नेपालप्लसले उनका फोटोहरु नक्कली भएको खुलासा गरिदिएपछि सामाजिक सञ्जालबाट गायब भएकि छन् ।

शुक्रवार अलपाईन मेगाजिनको आलेखलाई आधार मानेर नेपालप्लसले ‘अमेरिकी फोटोग्राफरले खिचेको हिउँ चितुवाको फोटो नक्कली प्रमाणित‘ शिर्षकमा समाचार प्रकाशित गरेपछि उनी सामजिक सन्जालबाट गायब भएकि हुन् ।

संवन्धित : अमेरिकी फोटोग्राफरले खिचेको हिउँ चितुवाको फोटो नक्कली प्रमाणित

अलपाईन मेगाजिनले शुक्रवार २५ नोभेम्वरका दिन किटीया पावलोस्कीका तस्विरहरु नक्कली भएको भन्दै ‘द फेक स्नो लिओपार्ड फोटोमोन्ताज स्प्रेड एराउन् द वर्ल्ड’ शिर्षकमा निकै लामो रिपोर्ट सार्वजनिक गरेको थियो र सोहि खबरका आधारमा नेपालप्लसले शुक्रवार साँझनै (नेपालको समय अनुसार शनिवार विहान करिब ४ बजेतिर) रिपोर्ट सार्वजनिक गरिदिएको थियो । नेपाली मेडीयामा पहिलो पटक यो समाचार सार्वजनिक भएपछि लाखौंले यसलाई सामाजिक सन्जालमा शेयर गरेका थिए । ति मध्ये धेरैले किटीयालाई म्यासेज गरेका थिए ।

अलपाईन मेगाजिनको रिपोर्टसहित किटीया, बेलायतको टाईम्स, इस्ताग्रम, काठमाडौंस्थित अमेरिकी दुतावासलाईसमेत धेरैले नेपालप्लसको समाचारसहित खबर पठाएका थिए । उनको तिब्र बिरोध शुरु भएको थियो । त्यसको केहिबेरपछिनै अर्थात् शनिवार बिहानबाट अकस्मात किटीयाको सामाजिक सन्जाल निस्किय भएको हो ।